حقو-نىڭ اينالاسىنداعى الاياقتار كۇنى بۇگىنگە دەيىن استىرتىن ارەكەت ەتىپ, جۇرگىزۋشى كۋالىگىن ساتىپ كەلگەن. جاقىندا پوليتسيا قىزمەتكەرلەرى قوستاناي قالاسىنداعى مامانداندىرىلعان حالىققا قىزمەت كورسەتۋ ورتالىعىنا ءتىنتۋ جۇرگىزىپ, جۇرگىزۋشى كۋالىگىن ساۋداعا سالىپ كەلگەن قىلمىستىق توپتى ۇستادى.
– جەدەل ءتىنتۋ شارالارى بارىسىندا قىلمىستىق ارەكەتكە قاتىسى بار دەگەن كۇدىكپەن حقو-دا ەمتيحان قابىلداۋمەن اينالىسقان 5 ادام ۇستالدى. ولار جۇرگىزۋشى كۋالىگىن بەرۋ ءۇشىن اقى الىپ كەلگەن. ەمتيحانعا كەلۋشىلەر بەرىلگەن 40 مينۋتتىڭ ورنىنا نەبارى 5 مينۋتتىڭ ىشىندە تەست تاپسىرىپ شىققان. قازاق ءتىلىن بىلمەيتىن ادامدار ەمتيحاندى مەملەكەتتىك تىلدە تاپسىرىپ وتىرعان. قازىر قاجەتتى باستاپقى تەرگەۋ ارەكەتتەرى, سونداي-اق ايعاقتاردى انىقتاۋ ماقساتىنداعى سانكتسيالانعان ءتىنتۋ شارالارى ءجۇرىپ جاتىر. بانك كارتالارى, 1 ملن تەڭگەدەن استام قولما-قول اقشا, كومپيۋتەرلىك تەحنيكا, فلەش-كارتالار, ۇيالى تەلەفوندار مەن قۇجاتتار تاركىلەندى. ءتىنتۋ كەزىندە كۇدىكتىلەردىڭ بىرىنەن 12 كاليبرلىك وق-ءدارى جانە زاڭدى تىركەۋدە جوق تەگىس ۇڭعىلى مىلتىق تاركىلەندى, – دەدى وبلىستىق پد باسشىسى ەرلان وماربەكوۆ.
ۇستالعاندار – جۇرگىزۋشى كۋالىگى مەن جۇرگىزۋشى ساناتتارىنا ەمتيحان قابىلداۋ قىزمەتىن تەندەر بويىنشا ۇتىپ العان جاۋاپكەرشىلىگى شەكتەۋلى سەرىكتەستىكتىڭ وكىلدەرى. قىلمىستىق توپ ۇمىتكەرلەردەن اقى الىپ, تەوريالىق ءبىلىم مەن تاجىريبەلىك داعدىعا ەمتيحان قابىلداماي-اق جۇرگىزۋشى كۋالىگىن ۇلەستىرىپ وتىرعان. پوليتسيانىڭ مالىمدەۋىنشە, الاياقتاردى انىقتاۋعا وبلىس جولدارىنداعى كولىك اپاتىنىڭ شەكتەن تىس جيىلەپ كەتكەنى تۇرتكى بولعان. جول اپاتىنا ۇرىنعان جۇرگىزۋشىلەردىڭ كوبى قاراپايىم جول ەرەجەسىنەن بەيحابار بولىپ شىعا بەرگەن سوڭ, پوليتسيانىڭ جۇرگىزۋشى كۋالىگىن بەرەتىن مەكەمەگە دەگەن كۇدىگى دە كۇشەيە تۇسكەن.
– مىسالى, جىل باسىندا رۋدنىي قالاسىندا «سhevrolet سobalt» كولىگىن مىنگەن 19 جاستاعى جۇرگىزۋشى كۋالىگىن العانىنا ءبىر اي تولماي جاتىپ «Audi» اۆتوكولىگىن سوقتى. «Audi» كولىگىندە وتىرعان جولاۋشى اۋىر جاراقات الىپ, اۋرۋحاناعا ءتۇستى. مۇنداي زاردابى اۋىر جول اپاتتارى تىم كوبەيىپ بارا جاتقان سوڭ, سالالاس مەكەمەلەردىڭ بىرىندە استىرتىن سىبايلاسقان توپ بولۋى مۇمكىن دەگەن كۇدىكپەن مامانداندىرىلعان حقو-عا قاتىستى ارنايى جەدەل شارا جۇرگىزۋ تۋرالى شەشىم قابىلدادىق. ارنايى وپەراتسيا وبلىس پروكۋراتۋراسىنىڭ ۇيلەستىرۋىمەن ءوتتى, – دەيدى پوليتسيا دەپارتامەنتىنىڭ باسشىسى ە.وماربەكوۆ.
قازىر اتالعان قىلمىسقا قاتىستى تەرگەۋ امالدارى ءجۇرىپ جاتىر. وسىعان بايلانىستى مامانداندىرىلعان حالىققا قىزمەت كورسەتۋ ورتالىعى جۇرگىزۋشى كۋالىگى مەن جۇرگىزۋشى ساناتىن الۋشىلاردان تەوريالىق جانە تاجىريبەلىك ەمتيحان قابىلداۋىن توقتاتتى. پوليتسيا كۇدىكتىلەردىڭ جۇرگىزۋشى كۋالىگى مەن ساناتتار العان 1 مىڭنان استام ادامعا قىزمەت كورسەتكەنىن انىقتاپ وتىر. ولاردىڭ قايسىسىنىڭ ەمتيحاندى ادال تاپسىرعانى, قايسىسىنىڭ قىلمىستىق توپتىڭ كومەگىنە جۇگىنگەنى تەرگەۋ امالدارى بارىسىندا انىقتالادى.
قوستاناي وبلىسى
