ءالىم بايەل 1984 جىلى جامبىل وبلىسى, تاراز قالاسىندا دۇنيەگە كەلگەن. تاياۋ شىعىس تەحنيكالىق ۋنيۆەرسيتەتىن (انكارا, تۇركيا) بيزنەستى باسقارۋ ماماندىعى بويىنشا بىتىرگەن. دجوردج ۆاشينگتون ۋنيۆەرسيتەتىن (ۆاشينگتون, اقش) مەملەكەتتىك باسقارۋ ماماندىعى بويىنشا تامامداعان. «بولاشاق» باعدارلاماسىنىڭ تۇلەگى.
قازاقستان رەسپۋبليكاسى پرەزيدەنتىنىڭ جاستار كادر رەزەرۆىنىڭ مۇشەسى. انا تىلىنەن بولەك, اعىلشىن, ورىس, تۇرىك جانە ازەربايجان تىلدەرىن جەتىك مەڭگەرگەن.
2012-2014 جىلدارى – تۇركىتىلدەس مەملەكەتتەر ىنتىماقتاستىعى كەڭەسىنىڭ ساراپشىسى;
2014-2015 جىلدارى – تۇركى اكادەمياسىنىڭ حالىقارالىق قاتىناستار ورتالىعىنىڭ ديرەكتورى;
2016 جىلى – قازاقستان رەسپۋبليكاسى مەملەكەتتىك قىزمەت ىستەرى مينيسترلىگى حالىقارالىق ىنتىماقتاستىق دەپارتامەنتىنىڭ باسشىسى;
2016-2018 جىلدارى – قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ حالىقارالىق ىنتىماقتاستىق باسقارماسىنىڭ باسشىسى, ستراتەگيالىق دامۋ دەپارتامەنتىنىڭ باسشىسى;
2018-2020 جىلدارى – قازاقستان رەسپۋبليكاسىنىڭ تۇركياداعى ەلشىلىگىنىڭ ساياسي ماسەلەلەر جونىندەگى ءبىرىنشى حاتشىسى;
2020 جىلدىڭ 1 ناۋرىزىنان باستاپ – ىستانبۇلداعى قازاقستان رەسپۋبليكاسىنىڭ باس كونسۋلى قىزمەتىندە بولعان.
سونداي-اق مەملەكەت باسشىسىنىڭ جارلىعىمەن سەرجان ورالباي ۇلى ابدىكارىموۆ قازاقستان رەسپۋبليكاسىنىڭ ازەربايجان رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان بوساتىلدى.
