گرۋزيانىڭ ەكس-پرەزيدەنتى ەدۋارد شەۆاردنادزە ومىردەن ءوتتى

استانا. 8 شىلدە. دۇيسەنبى, 7 شىلدە كۇنى گرۋزيانىڭ ەكس-پرەزيدەنتى جانە كسرو سىرتقى ىستەر مينيسترلىگىنىڭ بۇرىنعى باسشىسى ەدۋارد شەۆاردنادزە 87 جاسقا قاراعان شاعىندا ومىردەن ءوتتى. بۇل تۋرالى يتار-تاسس حابارلادى. دەرەككوزدە كورسەتىلگەندەي, ە.شەۆاردنادزە سوڭعى ايلاردا قاتتى ناۋقاستانعان. ول جەرگىلىكتى ۋاقىتپەن ساعات 12:00-دە تبيليسي قالاسىنداعى ءوز ۇيىندە قايتىس بولعان. ە.شەۆاردنادزە 1928 جىلى 25 قاڭتاردا گرۋزيانىڭ لانچحۋتسك اۋدانى ماماتي اۋلىندا تۋعان. ول 1995-2003 جىلدارى گرۋزيا پرەزيدەنتى بولدى. وعان دەيىن گرۋزين كسر قوعامدىق ءتارتىپتى قورعاۋ ءمينيسترى (1965-1968), گرۋزين كسر ىشكى ىستەر ءمينيسترى (1968-1972), گرۋزيا كپ ورتالىق كوميتەتىنىڭ ءبىرىنشى حاتشىسى (1972-1985), كسرو سىرتقى ىستەر ءمينيسترى (1985-1990), كسرو سىرتقى بايلانىستار ءمينيسترى (1991 جىلدىڭ 18 قاراشاسىنان 8 جەلتوقسانىنا دەيىن) قىزمەتتەرىن اتقاردى. سونداي-اق ە.شەۆاردنادزە سوتسياليستىك ەڭبەك ەرى اتاعىنىڭ يەگەرى. ايدار ورىسباەۆ. دەرەككوز: Itar-tass.com. فوتو: Pravda.ru.