وسى ماقساتتا قازاقستان-نەمىس ۋنيۆەرسيتەتى (DKU) جانە Yessenov University بىرلەسكەن باستاماسىمەن اقتاۋ قالاسىندا «German Institute of Engineering» اتتى ينستيتۋتتىڭ اشىلۋى جوسپارلاندى. نەمىس ۋنيۆەرسيتەتتەر كونسورتسيۋمى اياسىندا اشىلاتىن جاڭا ينستيتۋت ماڭعىستاۋ وڭىرىندە تەحنيكالىق ونەركاسىپتىڭ ءارتۇرلى سالالارىندا جۇمىس ىستەيتىن مامانداردى كاسىبي باعىتتا دايىنداۋعا مۇمكىندىك بەرەدى.
27 ناۋرىز بەن 1 ءساۋىر ارالىعىندا Yessenov University دەلەگاتسياسىنىڭ گەرمانياعا ىسساپارمەن بارىپ قايتتى. ەڭ العاشقى كەلىسىم سولتۇستىك گەرمانياداعى الدىڭعى قاتارلى ۋنيۆەرسيتەت «Haw Hamburg» ۋنيۆەرسيتەتىمەن باستالدى. ودان كەيىن انحالت قولدانبالى عىلىمدار ۋنيۆەرسيتەتىندە («Hochschule Anhalt») جانە «Technische Hochschule Wildau» ۋنيۆەرسيتەتتەرىمەن كەزەكتى كەلىسىمدەرگە قول قويىلدى.
اتالعان ءۇش ۋنيۆەرسيتەتپەن ىنتىماقتاستىق تۋرالى كەلىسىم وقۋ باعدارلامالاردى كەڭەيتۋگە, ەلىمىزگە پروفەسسورلار شاقىرىپ تاجىريبە الماسۋعا, اكادەميالىق ۇتقىرلىققا, ءۇش ديپلومدىق بىلىمگە جول اشادى. سەرىكتەستەر رەتىندە حالىقارالىق تاجىريبە مەن قوسىمشا دارەجەلەر بەرەدى. تاراپتار ەنەرگەتيكا جانە ەكولوگيالىق ينجەنەريا, تەحنولوگيالىق ۇدەرىستەردى جوبالاۋ, ەلەكترتەحنيكا, جاڭارتىلاتىن ەنەرگيا جۇيەسى باعىتتارى بويىنشا بىرقاتار ورتاق جوبانى جوسپارلادى.
Yessenov University بازاسىندا بيىل اشىلاتىن قازاق-نەمىس ينجينيرينگ ينستيتۋتىنا تۇسەتىن ستۋدەنتتەر مەن ماگيسترانتتار ءبىر جىل گەرمانيا ۋنيۆەرسيتەتتەرىندە ءبىلىم الىپ, تاجىريبە جيناۋ مۇمكىندىگىنە يە بولماق. ينستيتۋت جاڭا وقۋ جىلىندا ءۇش ديپلومدىق ءبىلىم باعدارلاماسى بويىنشا سۇرانىسقا يە جاڭا ماماندىقتارعا العاشقى ابيتۋريەنتتەردى قابىلدايدى. وسىلايشا, ونەر-ءبىلىمى بار جۇرتتاردىڭ وقۋى مەن كاسىبىن مەڭگەرىپ, ەكى جانە ءۇش ديپلومدى مامان اتانا الادى. بەرلين تەحنيكالىق ۋنيۆەرسيتەتىمەن («Technische Universität Berlin») جانە بەرلين ەركىن ۋنيۆەرسيتەتتەرىمەن («Freie Universität Berlin») جەر جۇيەسى تۋرالى عىلىمدار جانە لوگيستيكا باعىتى بويىنشا ءۇش جاقتى ىنتىماقتاستىق تۋرالى مەموراندۋمعا قول قويادى.
ءبىلىم باعدارلاماسى نەمىس جانە اعىلشىن تىلدەرىندە جاساقتالادى. 4,5 جىلدىق باكالاۆر باعدارلاماسى نەمىس تىلىندە, ونىڭ ءبىر جىلى گەرمانيادا وقىتىلىپ, ستۋدەنتتەر تەحنيكالىق ونەركاسىپتەردە پراكتيكادان وتەدى. ال ماگيستراتۋرانىڭ ءبىر جىلىن ەلدە, ءبىر جىلىن گەرمانيادا اعىلشىن تىلىندە وقيدى.
گەرمانيا تاراپىنان جاڭا ينستيتۋتتىڭ جۇمىسىنا كورسەتىلەتىن قولداۋدى تالقىلاۋ ماقساتىندا Yessenov University مەن قازاقستان-نەمىس ۋنيۆەرسيتەتىنىڭ پرەزيدەنتتەرى گەرمانيانىڭ سىرتقى ىستەر مينيسترلىگىمەن كەزدەسىپ, ساپار قورىتىندىسى بويىنشا گەرمانيا فەدەراتيۆتىك رەسپۋبليكاسىنداعى قازاقستان رەسپۋبليكاسىنىڭ ەلشىلىگىندە ءباسپاسوز كونفەرەنتسياسىن ۇيىمداستىردى.
ماڭعىستاۋ وبلىسى
