16 ءساۋىر كۇنى تاڭەرتەڭ ەلوردادا قار كۇرەۋ جۇمىسىنا 2,2 مىڭنان استام جول جۇمىسشى مەن مىڭعا جۋىق ارنايى تەحنيكا جۇمىلدىرىلعان.
ەڭ الدىمەن, ەرەجەگە سايكەس, جولداردا كەپتەلىس بولماس ءۇشىن قارقىنى جوعارى كوشەلەر تازارتىلادى. سونداي-اق ورتاشا قارقىندى ۋچاسكەلەر – الاڭدار, ۆوكزال ماڭى اۋماقتارى, تروتۋارلار, الەۋمەتتىك نىساندارعا كىرمە جولدار جانە ت.ب. قاردان تازارتىلادى.
16 ساۋىرگە قاراعان ءتۇنى قالادان پوليگوندارعا 24 مىڭ تەكشە مەتردەن استام قار نەمەسە 2 134 اۋىر جۇك كولىگىنە تەڭ قار شىعارىلدى.
قىس مەزگىلىنىڭ باسىنان بەرى كوممۋنالدىق قىزمەتتەر قالادان 315 مىڭعا جۋىق جۇك كولىگىن شىعاردى, بۇل شامامەن 4 ملن تەكشە مەتر. قالانىڭ كوممۋنالدىق قىزمەتتەرى كۇشەيتىلگەن رەجيمدە جۇمىسىن جالعاستىرۋدا, كەشكى جانە تۇنگى ۋاقىتتاردا كۇشەيتىلگەن تارتىپتە ءجۇرىپ جاتىر.
