ا. كولگىنوۆ جاستارمەن بەلسەندى جۇمىس جۇرگىزۋ, جاستارعا باعىتتالعان قولداۋدىڭ بارلىق تەتىكتەرى تۋرالى تۇسىندىرمە جۇمىستارىن جۇرگىزۋ قاجەتتىگىنە توقتالدى.
«ەلىمىزدە مەملەكەت باسشىسىنىڭ تاپسىرماسى بويىنشا جاستار ماسەلەلەرىن شەشۋدىڭ پارمەندى تەتىكتەرى ەنگىزىلدى: جاستاردى وقىتۋ, جۇمىسقا ورنالاستىرۋ, ءوز ءىسىن اشۋعا كومەكتەسۋ, تۇرعىن ءۇي ساتىپ الۋىنا جاردەمدەسۋ جانە ت. ب. كوبىنەسە جاستار وزدەرىنە بەرىلگەن مۇنداي مۇمكىندىكتەر تۋرالى بىلمەيدى. اقپاراتتاندىرۋدىڭ, كەرى بايلانىس ورناتۋدىڭ بارلىق تاسىلدەرىن قولدانۋ قاجەت. ويتكەنى جاستاردى قولداۋعا قاراجات قاراستىرىلىپ, تولىق كولەمدە بولىنەتىن بولادى», دەپ اتاپ ءوتتى ول.
«اۋىل اماناتى» باعدارلاماسى اۋىل تۇرعىندارىن جۇمىسپەن قامتۋعا باعىتتالعان. ونى قىزىلوردا وبلىسىندا جۇزەگە اسىرۋعا 2023 جىلى 3 ملرد تەڭگە قاراستىرىلعان.
پرەمەر-ءمينيستردىڭ ورىنباسارى قىزىلوردا قالاسىنا قاراستى بايمۇرات باتىر اۋىلى تۇرعىندارىمەن كەزدەسىپ, باعدارلامانىڭ شارتتارىنا توقتالدى.
«اۋىل اماناتى» باعدارلاماسى اۋىل تۇرعىندارىنا ءوز بيزنەسىن باستاۋعا نەمەسە بۇرىننان بار بيزنەستى دامىتۋعا مۇمكىندىك بەرەدى. ول ءۇشىن جەڭىلدىكپەن نەسيە مولشەرلەمەسى ەنگىزىلدى, بيۋدجەتتەن قوماقتى قاراجات بولىنۋدە. اۋىل تۇرعىندارىنان تالاپ ەتىلەتىن باستى نارسە – باستاما كوتەرۋ مەن جۇمىس ىستەۋگە دەگەن ۇمتىلىس. اۋىلدا جايلى ءومىر ءسۇرۋ ءۇشىن جاعداي جاسالۋدا: مەكتەپتەر, اۋرۋحانالار, جولدار, ينجەنەرلىك ينفراقۇرىلىم سالىنۋدا. «اۋىل اماناتى» باعدارلاماسى – اۋىل تۇرعىندارىنىڭ ءومىر ءسۇرۋ دەڭگەيىن جاقسارتۋدىڭ تاعى ءبىر قادامى», دەپ اتاپ ءوتتى ۇكىمەت باسشىسىنىڭ ورىنباسارى.
