تەرگەۋ بارىسىندا بەلگىسىز ەر ادامنىڭ كەشكى ۋاقىتتا جۇمىستان قايتىپ كەلە جاتقان 38 جاستاعى ايەلگە شابۋىل جاساعانى انىقتالدى. ول دەنە كۇشىن قولدانىپ, ونىڭ باعالى زاتتارىن ۇرلاماق بولىپ, كەيىن قاشىپ كەتكەن.
ەلوردالىق 14 جاستاعى وقۋشى بۇل وقيعانىڭ كۋاگەرى بولدى. ايەلدىڭ كومەككە شاقىرىپ جاتقانىن ەستىگەن سوڭ, ونىڭ جانىنا جۇگىرىپ بارىپ, سول كەزدە دوسىن پوليتسياعا حابارلاۋىن سۇراعان. سودان كەيىن ءجاسوسپىرىم ۇلكەن ادامداردىڭ ايەلگە كومەكتەسۋىن سۇراپ, كولىكتەردى توقتاتا باستاعان.
بىرنەشە مينۋتتان كەيىن پاترۋلدىك پوليتسيا كەلدى. بالا شابۋىل جاساۋشىنىڭ بەلگىلەرىن سيپاتتاپ, پوليتسياعا ەر ادامنىڭ قاي باعىتتا كەتكەنىن كورسەتتى.
پوليتسەيلەر 30 جاستاعى ەر ادامدى ءىزىن سۋىتپاي ۇستادى. ول ۋۇي-نا قامالدى.
اتالعان فاكتى بويىنشا سوتقا دەيىنگى تەرگەۋ جۇرگىزىلىپ جاتىر.
