تۇتىنۋشىلاردى جىلۋمەن جابدىقتاۋدان اجىراتۋ مىناداي كەزەكتىلىكپەن جۇزەگە اسىرىلادى:
1) اكىمشىلىك عيماراتتار, وقۋ ورىندارى, تەاترلار, وزگە دە عيماراتتار;
2) تۇرعىن ۇيلەر (تۇرعىن عيماراتتار, جاتاقحانالار, قوناق ۇيلەر);
3) الەۋمەتتىك نىساندار (بالالار, ەمدەۋ, مەكتەپ مەكەمەلەرى, كاسىپتىك مەكتەپتەر, مەديتسينالىق-الەۋمەتتىك مەكەمەلەر).
«الجج» جشس ابونەنتتىڭ جىلۋ قوندىرعىلارى مەن «الجج» جشس اراسىندا شەتەلدە پايدالانۋ جاۋاپكەرشىلىگىنىڭ تەڭگەرىمدىك تيەسىلىگى مەن پايدالانۋ جاۋاپكەرشىلىگىنىڭ شەكاراسىندا اجىراتۋدى جۇرگىزەدى. تۇتىنۋشىنىڭ باسقارۋشى كومپانياسى (پيك/ميب), ال ول بولماعان كەزدە وسى قىزمەتتەردى ورىندايتىن ۇيىمدار ابونەنتتىڭ جىلۋ پۋنكتىندە جىلۋمەن جابدىقتاۋدى وشىرەدى.
«جىلۋمەن جابدىقتاۋ جونىندەگى قىزمەتتەردى ۇسىنۋ قاعيدالارىنا سايكەس, ۇيلەرى جىلۋ ەنەرگياسىن ەسەپكە الۋدىڭ جالپىۇيلىك اسپاپتارىمەن جابدىقتالماعان جىلۋ ەنەرگياسىن تۇتىنۋشىلارعا كەلەسى جىلىتۋ ماۋسىمى باستالعانعا دەيىن رەتتەلىپ كورسەتىلەتىن قىزمەت ءۇشىن اقى تولەۋ كەزىندە ءتاريفتى تومەندەتۋ جولىمەن وتكەن جىلىتۋ ماۋسىمى ءۇشىن قايتا ەسەپتەۋ جۇرگىزىلەدى», دەلىنگەن قالالىق اكىمدىكتىڭ ءباسپاسوز قىزمەتى تاراتقان اقپاراتتا.
