اپىل-عۇپىل تاماق جەۋ
سəرەسىنەن اۋىزاشارعا دەيىن اش جۇرگەندىكتەن قانداعى گليۋكوزانىڭ دەڭگەيى ءتۇسىپ كەتەدى. بۇل ادامدا الدىنا كەلگەننىڭ ءبəرىن ءبىر سəتتە جالماپ جەپ قويۋ سەزىمىن وياتادى. ال اسىعىس-ۇسىگىس, اپىل-عۇپىل تاماق جەۋ گليۋكوزانىڭ ءبىر سəتتە كوتەرىلۋىنە جəنە اۋىزاشار داستارحانىنان كەيىن بىردەن ۇيقىنىڭ كەلۋىنە, باس اۋرۋىنا سەبەپ بولادى. سونىمەن قاتار تاماقتى əبدەن شايناماي جۇتا سالعاننان اعزادا توقتىق گورمونى ءبولىنىپ ۇلگەرمەي, قارىن تويماعانداي بوپ, كوز جاۋىن الار ءتəتتى تاماقتاردان باس تارتا الماي, قاجەتىنەن كوپ تاماقتانىپ قويۋىڭىز مۇمكىن.
سارەسىنە تۇرماۋ
ەگەر ءسىز «سəرەسىنە تۇرماي-اق, تاماقتى كەشتەۋ ءىشىپ جاتارمىن, ۇيقىم بولىنبەسىن» دەسەڭىز, دەنساۋلىعىڭىزدى تاعى ءبىر ويلاڭىز. سəرەسىنە تۇرماساڭىز, كەلەسى كۇنى اۋىزاشارعا, ءتىپتى, اشىعىپ جەتەسىز. بۇل جوعارىدا جازعانىمىزداي, تاعى دا تاماق جەۋ جۇيەڭىزدىڭ بۇزىلۋىنا əكەپ سوعادى. بۇعان قوسا, سəرەسىندە جەيتىن جۇمىرتقا, ءسۇت, ىرىمشىك, نان, ايران, جەمىس-جيدەك, قىزاناق, قيار سەكىلدى قۇنارلىلىعى جوعارى تاماقتار جەمەگەندىكتەن جۇيەسىز تاماقتانۋدان تۋىندايتىن دەنساۋلىق پروبلەمالارىنا شالدىعۋىڭىز مۇمكىن. ال رامازاندا ءبىر مەزگىل عانا تاماقتانۋ ەنەرگيا جەتىسپەۋشىلىگىنە əكەپ سوعىپ, əلسىزدىك, بۇلشىقەت اتروفياسى, وستەوپوروز, شاشتىڭ ءتۇسۋى, انەميا سەكىلدى اۋرۋلارعا جول بەرەدى.
مايلى تاماق جەۋ
مايلى تاماقتاردىڭ اسقازاندا قورىتىلۋ ۋاقىتى ۇزاق ءəرى ءسىڭۋى باياۋ. سوندىقتان دا, سəرەسى جəنە اۋىزاشار كەزىندە مايعا قۋىرىلعان, مايلى, سوۋستى جəنە كرەمدى تاماقتاردان اۋلاق بولىڭىز. Əسىرەسە, اۋىزاشار ۋاقىتى وتە كەش, ال اۋىز بەكىتۋ ۋاقىتى ۇزاق بولعاندىقتان ءارى سəرەسىن ىشە سالىپ, جاتىپ قالاتىن جاعدايلار ءجيى بولاتىندىقتان, اعزادا زات الماسۋ پروتسەسى (مەتابوليزم) باياۋلايدى. ال مايلى تاماقتار جىلدام سالماق قوسۋىڭىزعا سەبەپ بولادى.
جەمىس-جيدەكتى ارتىق نە كەم جەۋ
ماۋسىمدىق جەمىستەر, əسىرەسە, بويىندا ا, س دəرۋمەندەرى بار, تالشىقتى, انتيوكسيدانتتى, شىرىندى جەمىستەر – سالاۋاتتى تاماقتانۋدىڭ باستى ازىعى. جۇرەك, بۇلشىقەت, بۋىن اۋرۋلارىنان جəنە قاتەرلى ىسىكتەن قورعايتىن ەڭ ماڭىزدى ازىقتى قامتيتىن جەمىس-جيدەكتەردى از نە شەكتەن تىس كوپ پايدالانۋ دەنساۋلىق پروبلەمالارىنا əكەپ سوقتىرادى. اۋىزاشار مەن سəرەسى اراسى وتە قىسقا بولعاندىقتان, كەيدە جەمىس-جيدەك جەۋدى ۇمىتتىرىپ جىبەرەدى.
ءسۇت ونىمدەرىن از پايدالانۋ
ءسۇت, ايران, ىرىمشىك, قۇرت سەكىلدى تاعامدار ساپالى پروتەين, كالتسي, فوسفور, مىرىش سەكىلدى مينەرالدار مەن ۆ6, ۆ12 سەكىلدى ماڭىزدى دəرۋمەندەردىڭ قاينار كوزى. ءسۇت جəنە ءسۇت ونىمدەرىنىڭ قۇنارلىلىعى جاعىنان ايران پروبيوتيكتەرگە باي. رامازان ايىندا جۇيەلى تۇردە پايدالانىلعان جاعدايدا ءىش جەلدەنۋى, اس قورىتپاۋشىلىق, ءىش قاتۋ سەكىلدى اس ءسىڭىرۋ پروبلەمالارىنا جاقسى əسەر ەتۋىمەن قاتار, بويعا قۋات بەرىپ, اۋرۋلارعا قارسى قورعانىس قىزمەتىن جاقسارتادى. سونىمەن قاتار قاجەت سۇيىقتىقتىڭ ورنىن تولتىرۋدى دا قامتاماسىز ەتەدى. سəرەسى مەن اۋىزاشاردا نە جەڭىل-جەلپى اس رەتىندە كۇنىنە 2 شىنى ءسۇت نە ايران سەكىلدى ءسۇت ونىمدەرىن پايدالانعان ءجون.
جەتكىلىكتى مولشەردە سۋ ىشپەۋ
رامازان ايىندا جەتكىلىكتى مولشەردە سۋ ىشپەۋ, əسىرەسە, ءىش جۇرمەۋ سەكىلدى اس قورىتۋ پروبلەمالارىنا, əلسىزدىك, باس اۋرۋى, كونتسەنتراتسيانىڭ بۇزىلۋى, بۇلشىقەت سپازمى سەكىلدى دەنساۋلىعىمىزدىڭ ماڭىزدى قۇندىلىقتارىنىڭ بۇزىلۋىنا سەبەپ بولۋى مۇمكىن. سوندىقتان رامازان كەزىندە اعزاڭىزدى شولدەتپەس ءۇشىن اۋىزاشار مەن سəرەسى اراسىندا كەمى 2-2,5 ليتر سۋ ءىشۋىڭىز كەرەك. ەگەر سۋ ءىشۋدى ۇناتپاساڭىز, ايران, قانتسىز كومپوت, وسىمدىك شايلارىن, مينەرالدى سۋ سەكىلدى سۋعا بالاما سۇيىقتىق ءىشىڭىز.
سامسا جەۋدە شەكتەن شىقپاۋ
ءيىسى مۇرنىڭدى جاراتىن نەبىر سامسالار رامازان داستارحانىنىڭ ءسəنى ەكەنى جاسىرىن ەمەس. ەتتى, ىرىمشىكتى سامسالاردىڭ بىرەۋىنىڭ ءوزى - جوعارى كالوريالى ازىق. كومىرسۋعا دا باي. سوندىقتان اۋىزاشار كەزىندە قىزىعىپ شەكتەن كوپ سامسا جەپ قويساڭىز, رامازان بىتكەن سوڭ ارىقتاۋ ءۇشىن ديەتا ۇستاۋىڭىزعا تۋرا كەلەدى.
ءشاربات دەسەرتتەر
شəربات قوسىلعان دەسەرتتەر ديابەت قانتىمەن دايىندالعان دەسە دە, ۇن مەن مايدان-اق تəتتىگە باي بولادى. وسى سەبەپتى مۇنداي شəربات نە قانت قوسىلعان دەسەرتتەردىڭ ورنىنا ءسۇت ونىمدەرىنەن جاسالعان نە جەمىستى دەسەرتتەردى تاڭداعانىڭىز دۇرىس. تەك مولشەرىنە كوڭىل ءبولىڭىز. سەبەبى جەمىستى دەسەرتتەر دە ىشىندەگى فرۋكتوزانىڭ سەبەبىنەن قان قۇرامىنداعى گليۋكوزامەن جىلدام بايلانىسقا تۇسەتىن كومىرسۋلارعا باي بولادى. سول سەبەپتى اپتادا ءبىر-ەكى رەتتەن ارتىق جەمەگەن ابزال. بەل ايماعىنا ماي جينالۋىنا بايلانىستى, əسىرەسە, تورت, ءبəلىش, پاحلاۆا سەكىلدى جوعارى كالوريالى دەسەرتتەردەن الشاق بولىڭىز.
تاماق جەگەن سوڭ ۇيىقتاۋ
كۇنى بويعى جۇمىس, كەپتەلىس سترەسى, اشتىق, شولدەۋدەن كەيىن اۋىزاشار كەزىندەگى اپىل-عۇپىل ءəرى تويا-تىڭقيا تاماق جەۋ ءəرى بىردەن كوتەرىلەتىن گليۋكوزانىڭ سەبەبىنەن ءتəتتى ۇيقى ءسىزدى وزىنە تارتۋى مۇمكىن. بۇعان جول بەرمەڭىز! ويتكەنى تاماق ىشەر-ىشپەستەن ۇيىقتاۋىڭىز جىلدام سالماق قوسۋىڭىزعا سەبەپ بولادى. تاماقتانىپ بولعان سوڭ 1-1,5 ساعاتتان كەيىن 30-40 مينۋت جاياۋ ءجۇرۋ قانداعى قانتتىڭ مولشەرىن, قان قىسىمىن, جۇرەكتىڭ ساۋلىعىن ساقتايدى.
تاماق مولشەرىنە نازار اۋدارۋ
قارىن اشقان سوڭ, əلبەتتە, جىلدام تاماقتانعىڭىز كەلەدى. اۋىزاشار ءۇشىن دايىندالعان كوزدىڭ جاۋىن الاتىن, ءيىسى مۇرىن جاراتىن داستارحانعا الدانىپ, مولشەرلى ءىشۋدى ۇمىتىپ كەتپەڭىز. سول ءۇشىن اۋىزاشاردى سورپامەن باستاپ, تاماقتى əبدەن شايناپ جەپ, اسقازاننىڭ توق ەكەنىنە ۇنەمى قۇلاق ءتۇرىپ وتىرىڭىز.
