قما اۋماقتىق دەپارتامەنتى الەۋمەتتىك مەكەمەنىڭ باسشىسى مەن قىزمەتكەرلەرىنەن قۇرالعان توپتىڭ زاڭسىز ارەكەتتەرىن اشكەرەلەدى.
«قازىرگى ۋاقىتتا جالپى سوماسى 12 ميلليون تەڭگەدەن استام اسا ءىرى كولەمدەگى الاياقتىق فاكتىسى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. الەۋمەتتىك مەكەمەدە, سونداي-اق ءىس فيگۋرانتتارىنىڭ تۇرعىلىقتى مەكەنجايىندا سانكتسيالانعان ءتىنتۋ جۇرگىزۋ كەزىندە قارتتاردىڭ 799 مىڭ تەڭگە كولەمىندەگى زەينەتاقى تولەمدەرى, ولارعا تيەسىلى بانك كارتالارى, سونداي-اق اتالعان تۇلعالاردىڭ قىلمىستىق ارەكەتتەرىن دالەلدەيتىن باسقا دا زاتتار مەن قۇجاتتار تاركىلەندى. تەرگەۋدىڭ تولىق جانە جان-جاقتى جۇرگىزىلۋىنە كەدەرگى كەلتىرۋ, سونداي-اق قىلمىس ءىزىن جاسىرۋ جانە جويۋ ارەكەتتەرىنە بايلانىستى اتالعان مەكەمەنىڭ باسشىسى ۇستالىپ, ۋاقىتشا ۇستاۋ يزولياتورىنا قامالدى», دەلىنگەن اگەنتتىك مالىمەتىندە.
سوت 2 ايعا دەيىن قاماۋعا الۋ تۇرىندەگى «بۇلتارتپاۋ» شاراسىنا سانكتسيا بەرگەن. قر قپك 201-بابى العا تارتىلىپ, باسقا مالىمەتتەر جاريا ەتىلمەدى.
