«تۋنيس رەسپۋبليكاسىنىڭ پرەزيدەنتى كايس سايدتىڭ سيريا اراب رەسپۋبليكاسىندا ەلشى تاعايىنداۋ تۋرالى باستاماسىنا جاۋاپ رەتىندە سيريا ۇكىمەتى بۇل تاعايىنداۋدى دەرەۋ ماقۇلداعانىن جاريالادى جانە تۋنيستە سيريا ەلشىلىگىن اشىپ, تاياۋدا ەلشى تاعايىنداۋ تۋرالى شەشىم قابىلدادى», دەلىنگەن SANA اگەنتتىگى تاراتقان مالىمدەمە ۇزىندىسىندە.
وندا «سيريا-تۋنيس قارىم-قاتىناسىن قالپىنا كەلتىرۋ ماقساتىندا ەكى ەلدىڭ سىرتقى ىستەر مينيسترلەرى اراسىندا كونسۋلتاتسيالار جالعاسىپ جاتقانى» اتالىپ وتكەن.
تۋنيس 10 جىل بۇرىنعى قارۋلى قاقتىعىستان كەيىن سيريامەن ديپلوماتيالىق قارىم-قاتىناسىن ۇزگەن ەدى. بيىلعى اقپاندا تۋنيس پرەزيدەنتى داماسكىدەگى ديپلوماتيالىق وكىلدىك دەڭگەيىن ارتتىرۋ جانە ەلشى تاعايىنداۋ تۋرالى شەشىم قابىلداعانىن حابارلادى.
