ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 2021 – 2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوباعا 222,5 مىڭ ادام قاتىسىپ, 152,2 مىڭ ادام جۇمىسقا ورنالاستى, ونىڭ 48,8 مىڭى تۇراقتى جۇمىسقا ورنالاسقان.
سونداي-اق سۋبسيديالاناتىن جۇمىس ورىندارىنا 103,4 مىڭ ادام ورنالاستىرىلدى. ونىڭ ىشىندە الەۋمەتتىك جۇمىس ورىندارىمەن 12,1 مىڭ ادام, جاستار پراكتيكاسىمەن 5,8 مىڭ ادام, قوعامدىق جۇمىستارمەن 76 مىڭ ادام, «العاشقى جۇمىس ورنى» جوباسى اياسىندا 2,1 مىڭ ادام, «ۇرپاقتار كەلىسىمشارتى» جوباسى اياسىندا 66 ادام, «كۇمىس جاس» جوباسى اياسىندا 7,4 مىڭ ادام جۇمىسپەن قامتىلدى.
ەڭبەك نارىعىندا سۇرانىسقا يە داعدىلار بويىنشا ونلاين وقىتۋمەن 14 مىڭ جۇمىسسىز قامتىلدى, ونىڭ ىشىندە 12,4 مىڭى وقۋدى اياقتادى.
سونداي-اق «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ 53,6 مىڭ اداملى قامتىدى, ونىڭ ىشىندە 39,6 مىڭ ادام وقۋدى اياقتاپ, سەرتيفيكاتتار الدى.
سونىمەن قاتار قىزمەت سالاسىن تاڭداۋ ماقساتىندا 40,9 مىڭ ادام الەۋمەتتىك كاسىپتىك باعدارلاۋدان ءوتتى.
