قاسىم-جومارت توقاەۆ وتىرىس بارىسىندا ءوزىن الاڭداتقان بىرنەشە ماسەلەگە توقتالىپ ءوتتى.
«الەم قاۋىمداستىعى بىرلەسىپ شەشىمىن تابۋعا ءتيىس اسا كۇردەلى ماسەلەلەر بار. جاھاندىق جىلىنۋ ۇدەرىسىن باسەڭدەتۋ, ازىق-ت ۇلىك قاۋىپسىزدىگىن ساقتاۋ جانە ىندەتتىڭ سالدارىن جويۋ ايرىقشا ماڭىزدى. ءبىر سوزبەن ايتساق, زامان وتە جىلدام وزگەرىپ جاتىر. ءبىز وسى وزگەرىسكە بەيىمدەلۋىمىز كەرەك. ايتپەسە, وركەنيەت داڭعىلىنان قالىپ قويۋىمىز مۇمكىن», دەدى پرەزيدەنت.
مەملەكەت باسشىسىنىڭ ايتۋىنشا, قازاقستان حالقىنىڭ ورتاق ماقساتى – كوشكە ىلەسەتىن ەمەس, سول كوشتى باستايتىن ەلدەردىڭ قاتارىندا بولۋ.
«بۇل ماقسات, ارينە, وتە كۇردەلى, ونى جاقسى ءتۇسىنۋىمىز كەرەك. مەن بۇل تۋرالى ۇنەمى ايتىپ ءجۇرمىن. ياعني, عىلىمي دامۋدىڭ سوڭىندا قالماي, وسى پروگرەستى انىقتايتىن مەملەكەتتەردىڭ قاتارىندا بولۋ – نەگىزگى مىندەت. بالكىم, بۇل مىندەت تىم كۇردەلى كورىنەر. بىراق ءبىز الدىمىزعا وسىنداي ماقسات قويۋىمىز كەرەك. وعان ەلىمىزدىڭ عىلىمي الەۋەتى جەتەدى. بۇل مىندەتتىڭ وڭاي ەمەس ەكەنىن تۇسىنەمىن. الايدا ءبىز ونى ءسوزسىز ورىنداۋعا تىرىسۋىمىز قاجەت. جالپى, ءبىز الدىمىزعا قول جەتكىزە المايتىن تىم اسقاق ماقساتتار قويماۋىمىز كەرەك, بىراق عىلىمي جەتىستىكتەرگە جەتۋ ءۇشىن بار كۇش-جىگەرىمىزدى سالۋىمىز قاجەت», دەدى مەملەكەت باسشىسى.
