ءماجىلىس دەپۋتاتى ۆيتسە-پرەمەر التاي كولگىنوۆكە دەپۋتاتتىق ساۋال جولدادى.
دەپۋتات ءوز سوزىندە سوڭعى كەزدەرى جاسوسپىرىمدەر اراسىندا جانتۇرشىگەرلىك وقيعالاردىڭ جيىلەپ كەتكەنىن اتاپ ءوتتى.
ء«بىزدى ەلەڭ ەتكىزگەن تۇركىستانداعى مەكتەپ وقۋشىسىنىڭ ءولىمى, قازالىدا قاتتى سوققىدان ەس-ءتۇسسىز قالعان بالانى تەپكىلەگەن جاسوسپىرىمدەردىڭ ادەپسىز ارەكەتى, وسكەمەندە قىزدىڭ اۋىر سوققىعا جىعۋى – مەنىڭ بۇگىنگى ۋايىمىم», دەدى دەپۋتات.
دەپۋتات ىشكى ىستەر مينيسترلىگىنىڭ كامەلەتكە تولماعاندار ىستەرى جونىندەگى ۋچاسكەلىك پوليتسيا ينسپەكتورلارىنىڭ قىزمەتىن ۇيىمداستىرۋ قاعيداتتارىن قايتا قاراۋدى, سونداي-اق وقۋ-اعارتۋ مينيسترلىگىنە مەكتەپتەردەگى مۇعالىمدەردىڭ اكادەميالىق ءبىلىمىن عانا ەمەس, سونىمەن قاتار ءبىلىم دەڭگەيىن باعالاۋ تەتىكتەرىن ەنگىزۋدى ۇسىندى.
«الەۋمەتتىك مۇعالىم, سىنىپ جەتەكشىسى ءىس-شارالاردى ۇيىمداستىرۋ پرينتسيپتەرىن قايتا قاراۋ كەرەك. قازاقستاندا بالالارعا شەكسىز قىزمەت كورسەتەتىن TikTok الەۋمەتتىك جەلىسىن كامەلەتكە تولماعاندار اراسىندا پايدالانۋعا تىيىم سالۋ كەرەك», دەپ تۇيىندەدى ءسوزىن امانجول التاي.
