ايبەك سمادياروۆتىڭ ايتۋىنشا, قازاقستان ارقاشان دىنارالىق ديالوگتىڭ تولەرانتتىلىعى مەن نىعايۋىن جاقتايدى جانە بۇۇ قاۋىپسىزدىك كەڭەسىنىڭ قارارلارىنا سايكەس تاياۋ شىعىس ماسەلەسىن بەيبىت جولمەن رەتتەۋگە باعىتتالعان حالىقارالىق قوعامداستىقتىڭ كۇش-جىگەرىن بەرىك قولدايدى.
«قازاقستان قاسيەتتى ء«ال-اقسا» مەشىتىندە مۇسىلماندارعا شابۋىل جاسالۋىنا بايلانىستى تاياۋ شىعىستاعى شيەلەنىستىڭ ورشۋىنە قاتىستى ءوزىنىڭ الاڭداۋشىلىعىن بىلدىرەدى», دەپ اتاپ ءوتتى ول بريفينگ بارىسىندا.
ءسىم رەسمي وكىلى اتاپ وتكەندەي, تاراپتار ۇستامدىلىق تانىتىپ, زورلىق-زومبىلىققا جانە احۋالدىڭ ودان ءارى ۋشىعۋىنا اكەلەتىن قادامداردان باس تارتۋى كەرەك.
«بۇل رەتتە ستاتۋس-كۆو ساقتاۋدى ماڭىزدى دەپ سانايمىز. قاسيەتتى رامازان ايى مەن پەساح مەيرامى كەزەڭىندە ساياسي, ءدىني جانە قوعامدىق كوشباسشىلار بۇل شيەلەنىستى ازايتۋعا بار كۇشىن سالادى دەپ ۇمىتتەنەمىز. قازاقستان ءاردايىم تولەرانتتىق جانە دىندەر اراسىنداعى ديالوگتى نىعايتۋعا شاقىرا وتىرىپ, بىرىككەن ۇلتتار ۇيىمى قاۋىپسىزدىك كەڭەسىنىڭ قارارلارىنا سايكەس تاياۋ شىعىس ماسەلەسىن بەيبىت جولمەن شەشۋگە باعىتتالعان حالىقارالىق قوعامداستىقتىڭ كۇش-جىگەرىن قولدايدى», دەپ تۇيىندەدى ايبەك سمادياروۆ.
بۇعان دەيىن ءيزرايلدىڭ قاۋىپسىزدىك كۇشتەرى ءال-اقسا مەشىتىنىڭ ناماز زالىنا كىرىپ, پالەستينالىقتارعا شابۋىل جاساعانى حابارلانعان ەدى. وقيعا سالدارىنان ونداعان ادام زارداپ شەكتى.
