ماسەلەن, ەكسپو ىسكەرلىك ورتالىعىنىڭ اۋماعىندا جالپى اۋدانى 530 مىڭ شارشى مەتردەن استام 16 عيمارات ورنالاسقان. ولار 100 پايىز تولتىرىلعان, رەزيدەنتتەر سانى 15 مىڭ ادامنان اسادى. ال بيزنەس سۋبەكتىلەرى ءۇشىن «ا» ساناتتى بيزنەس ورتالىقتاردىڭ الەمدىك ستاندارتتارىنا سايكەس كەلەتىن بيزنەس ورتالىعى جۇمىس ىستەيدى.
ەكسپو اۋماعىنىڭ نەگىزگى نىساندارىنىڭ ءبىرى – كونگرەسس ورتالىعى. وندا كونتسەرتتەن باستاپ, جوعارى دەڭگەيدەگى رەسمي كەزدەسۋلەرگە دەيىنگى ءىس-شارالار وتكىزىلەدى. بيىل 50-دەن استام ءىس-شارا جوسپارلانعان, ونىڭ ىشىندە قازاقستاندىق جاس جانە اتتارى شىققان ورىنداۋشىلار – Dequine, ميراس جۇگىنىسوۆ, سونداي-اق شەتەلدىك ەسترادا جۇلدىزدارى لارا فابياننىڭ, Jony-ءدىڭ, ەۆگەني چەباتكوۆتىڭ, ماكSيم-ءنىڭ جانە باسقالاردىڭ كونتسەرتتەرى بار.
2020 جىلى ورتالىق ازياداعى بىرەگەي ءىرى كورمە الاڭىنا اينالعان حالىقارالىق كورمە ورتالىعى اشىلدى. ول UFI دۇنيەجۇزىلىك كورمە يندۋسترياسى قاۋىمداستىعىنىڭ سەرتيفيكاتىن العان. كورمە الاڭىنىڭ جۇكتەمەسى جىلىنا 310 كۇندى قۇرايدى. بيىل مۇندا 35-كە جۋىق ءىس-شارا وتكىزۋ جوسپارلانعان. اتاپ ايتقاندا, Automechanika Astana 2023, Eurasian Book Fair VI ەۋرازيالىق حالىقارالىق كىتاپ كورمەسى, Kazakhstan Industry Week وڭدەۋ ونەركاسىبىنىڭ III حالىقارالىق كورمەسى جانە ت.ب.
ەكسپو اۋماعىندا جىل سايىن ماۋسىم ايىندا جازعى ساحنا جۇمىسى باستالادى. ناق وسى ساحنادا Ninety One توبى, دجەيران, «Raim & Artur» دۋەتى, DJ Smash, DJ Timoffey, ەركە ەسماحان, مولدانازار, قايرات نۇرتاس, Say Mo, Abdr., حالىقارالىق زاماناۋي ەتنوستىق مۋزىكا فەستيۆالى The Spirit of Eurasia, The Limba, «فورمات» توبى, ايقىن, Cover Fest (باتىرحان شۇكەنوۆتى ەسكە الۋ كەشى), روك فەستيۆالى, ORDA FM گالا-كونتسەرتى, Cosplay Festival, ەتنوفەستيۆال جانە باسقا ەسترادا ارتىستەرىنىڭ open air كونتسەرتتەرى ءوتتى.
سونىمەن قاتار كەشەن اۋماعىندا ەلوردا تۇرعىندارى مەن قوناقتارىنا «Line Brew», «Kakao Dak», «Harrats Pub», «Prime Golf» گولف سيمۋلياتورى قىزمەتتەرى ۇسىنىلادى. جاقىن ارادا «Bronx» فيتنەس-كلۋبىنىڭ, «Coffee boom» كوفەحاناسىن اشۋ جوسپارلانىپ وتىر. كەلۋشىلەرگە ىڭعايلى بولۋى ءۇشىن تاۋلىك بويى جۇمىس ىستەيتىن 3 مىڭ اۆتوكولىككە ارنالعان كولىك جۋ ورنى بار جەراستى پاركينگى بارلىعىن دا اتاپ وتكەن ءجون.
