تاكتيكالىق جاتتىعۋدىڭ جاي-جاپسارى

وقۋ-جاتتىعۋدىڭ بەلسەندى كە­­زەڭىن قورعانىس ءمينيسترى, گە­نەرال-پولكوۆنيك رۋسلان جاق­سى­لىق­وۆ, جەتىسۋ وبلىسىنىڭ اكىمى بەي­بىت يساباەۆ, ۇلتتىق ۇلاننىڭ باس­ قولباسشىسى گەنەرال-مايور ەر­كىن بوتاقانوۆ جانە وزگە دە كۇش­ت­ىك قۇرىلىمداردىڭ وكىلدەرى باقى­لادى.

جاتتىعۋعا دەسانتتىق-شا­بۋىل­داۋ اسكەرلەرىنىڭ قۇرا­ما­لارى, ۇلتتىق ۇلاننىڭ, ۇلت­تىق­ قاۋىپسىزدىك كوميتەتى شەكا­را­ قىزمەتىنىڭ, توتەنشە جاع­داي­لار مينيسترلىگىنىڭ اسكەري بولىم­دەرى مەن بولىمشەلەرى, قۇقىق­ قورعاۋ جانە جەرگىلىكتى اتقا­رۋ­شى ورگاندار تارتىلدى. بولىمشەلەر جاۋىنگەرلىك ماق­ساتتاعى اۋداندارعا جورىق جاساپ­, بۇركەمەلەۋ, اسكەرلەر مە­ن باسقارۋ پۋنكتتەرىنىڭ توزىم­دى­لىگىن ارتتىرۋ ماسەلەلەرىن پىسىق­تادى. بەلسەندى كەزەڭدە ەلدى مەكەندى بوساتۋ بويىنشا وقۋ-جاۋىنگەرلىك ءىس-قيمىلدار جۇرگىزىلدى. وقۋ-جاتتىعۋ جوسپارىنا سايكەس شەكارا قىزمەتىنىڭ اسكەري قىزمەتشىلەرى شەكارا ۋچاسكەلەرىنىڭ بىرىنەن قارۋلى ادامدار توبىن بايقايدى. ۇتقىر توپتار شارتتى شەكارا­ بۇزۋشىلاردىڭ ءبىر بولى­گىن­ قۇرىقتايدى. بۇل كەزدە قال­عان­دا­رى جاقىن ماڭداعى ەلدى مەكەن­دە­ جاسىرىنىپ ۇلگەرەدى. ىشكى ىس­تەر مينيسترلىگىنىڭ پوليتسيا دەپار­تا­مەنتى جەرگىلىكتى اتقارۋشى ورگان­دار ورنالاستىرعان سۇرىپ­تاۋ­ پۋنكتى اۋدانىنا بەيبىت تۇر­عىن­داردى ەۆاكۋاتسيالاۋدى ۇيىم­داستىردى. مۇقيات تەكسەرۋ­دەن كەيىن ەۆاكۋاتسيالانعان ادامدار­دى ۋاقىتشا ۇستاۋ پۋنك­تى­نە الىپ بارىپ, ول جەردە ولار­عا العاشقى مەديتسينالىق جانە پسيحولوگيالىق كومەك كور­سە­تى­لىپ,­ ءبىرىنشى كەزەكتەگى قاجەتتى زات­تار بەرىلدى. دەسانتتىق-شابۋىل­داۋ بولىمشەلەرى ارتيللەريا­ مەن ارميالىق, مايداندىق اۆيا­تسيانىڭ قولداۋىمەن ەلدى­ مەكەندى قورشاۋعا الىپ, قار­سى­لاستىڭ اتىس نۇكتەلەرى مەن بەكى­نىس­تەرىن جويدى. ۇلتتىق ۇلان بولىم­شەلەرى قارۋ-جاراقتى ىزدەۋ مەن­ كەنتتى تازارتۋ تاپسىرمالارىن­ ورىندادى.

– بۇل وقۋ-جاتتىعۋلاردىڭ بىر­قاتار ەرەكشەلىگى بار. ونىڭ ىشىن­دە­ باسقا دا اسكەرلەرمەن جانە اس­كەري قۇرالىمدارمەن ءوزارا ءىس-قي­مىل­دا جاۋىنگەرلىك مىندەتتەردى شە­شۋ, اسكەري بولىمدەردىڭ ءوزىن-ءوزى قامتاماسىز ەتۋ جانە دەر­بەس­تىك دەڭگەيىن تەكسەرۋ, سونداي-اق­ قازىرگى زامانعى قارۋلى قاق­تى­عىس­تاردىڭ تاجىريبەسىن ەسكەرە­ وتىرىپ, جاۋىنگەرلىك ءىس-قي­مىل­داردى جۇرگىزۋ نىساندارى مەن­ تاسىلدەرىن جەتىلدىرۋ بار, – دەپ اتاپ ءوتتى شتاب باستىعى, دەسانتتىق-شابۋىلداۋ اسكەرلەرى قولباسشىسىنىڭ ءبىرىنشى ورىنباسارى, پولكوۆنيك الماس يسابەكوۆ.

ونىڭ ايتۋىنشا, جاتتىعۋدىڭ ماق­ساتى – گيبريدتى قاۋىپ-قاتەر جاع­دايىندا ارەكەت ەتۋگە, ءار­تۇرلى پروكسي-كۇشتەرگە قارسى تۇرۋ­عا دايىندىق جاساۋ. جالپى, جات­تى­عۋعا 2000-نان استام اسكەري قىز­مەت­شى مەن مىڭ جارىمنان اسا قار­ۋ-جاراق پەن اسكەري تەحنيكا, ونىڭ ىشىندە ارميالىق, اسكەري-كولىك­تىك, مايداندىق اۆياتسيا جانە­ ۇشقىشسىز ۇشۋ اپپاراتتارى­ قاتىستى.

ءىس-شارا سوڭىندا قورعانىس ءمي­نيسترى وقۋ نۇكتەلەرىندە بولى­پ, دالالىق باسقارۋ پۋنكتىن, تەح­ني­كالىق جانە تىلدىق قام­تا­ما­سىز ەتۋدىڭ جاي-كۇيىن, جەكە قۇرام­دى جوعارى دالدىكتەگى قارۋ­ مەن ۇشقىشسىز ۇشۋ اپپا­رات­­تارىنان قورعاۋ ساپاسىن تەك­سەر­دى. گەنەرال-پولكوۆنيك رۋسلان جاق­سى­لىقوۆ دەسانتتىق-شابۋىلداۋ اسكەر­لەرى مەن باسقا دا قورعانىس بولىم­شە­لە­رىنىڭ قۇرالدارى مەن تەحنيكاسىن­ قاراپ شىقتى. سونداي-اق مينيس­تر­گە جاۋىنگەرلىك تەحنيكالار لە­گىن شارتتى قارسىلاستىق بارلاۋ­ جۇرگىزىپ, سوققى بەرەتىن ۇش­قىش­­سىز ۇشۋ اپپاراتتارىنان بۇر­كە­مە­لەۋ­دىڭ ءتيىمدى ادىستەرى كورسەتىلدى.

جەتىسۋ وبلىسى