ۋلى زاتتار سولتۇستىك-شىعىستان سوققان جەلمەن قالا ورتالىعىنا دەيىن جەتكەن.
رەسمي ەسكەرتۋدە ءورت پەن ءتۇتىن «وتە قاۋىپتى» ساناتقا جاتقىزىلعان. گامبۋرگتىڭ سولتۇستىك-شىعىسىنداعى تۇرعىنداردى تەرەزەلەر مەن ەسىكتەردى جابىق ۇستاۋعا جانە تۇتىننەن قورعانۋعا شاقىردى.
Deutsche Bahn توتەنشە جاعدايعا بايلانىستى گامبۋرگ پەن بيۋحەن اراسىنداعى تەمىرجول جەلىلەرىندە قوزعالىس توقتاتىلعانىن حابارلادى. ءورت ءسوندىرۋ جۇمىستارىنا بايلانىستى جەرگىلىكتى كولىكتىڭ جۇمىسى دا شەكتەلگەن.
ءورتتىڭ شىعۋ سەبەبى مەن كىنالىلەر انىقتالۋدا.
2022 جىلدىڭ تامىزىندا بەرليننىڭ باتىسىنداعى گرۋنەۆالد اۋدانىندا وق-دارىلەر مەن پيروتەحنيكالىق زاتتار قويماسىندا ءىرى ءورت بولدى. ونىڭ جالپى اۋماعى شامامەن 42 گەكتاردى قۇرادى. ءورت ورنىنا گەرمانيانىڭ تۇكپىر-تۇكپىرىنەن قۇرال-جابدىقتار اكەلىنىپ, ونى سوندىرۋگە 150-گە جۋىق ءورت ءسوندىرۋشى قاتىستى.
