الەۋمەتتىك جەلىدە ءجاسوسپىرىمدى بەلگىسىز ازاماتتاردىڭ ۇرىپ-سوعىپ جاتقانى بەيگەلەنگەن ۆيدەو جاريالانعان ەدى. وسى ماقساتتا قازالى اۋداندىق پوليتسيا ءبولىمى قوسىمشا تەكسەرۋ مەن الەۋمەتتىك جەلىلەردە مونيتورينگ جۇرگىزدى.
ءجاسوسپىرىمدى ۇرىپ-سوققان 5 وقۋشى انىقتالىپ, اۋداندىق پوليتسيا بولىمىنە جەتكىزىلدى.
جاراقات العان ءجاسوسپىرىمنىڭ جاعدايى جونىندە وبلىستىق دەنساۋلىق ساقتاۋ باسقارماسى ايتىپ بەردى.
6 ساۋىردە ساعات 16:00 شاماسىندا قىزىلوردا وبلىسى قازالى اۋدانىندا 15 جاستاعى ءجاسوسپىرىم جەدەل جاردەم بريگاداسى ارقىلى اۋداندىق كوپبەيىندى ورتالىق اۋرۋحاناسىنا جەتكىزىلگەن.
«اۋرۋحانانىڭ قابىلداۋ بولىمىندە تەكسەرىلىپ, باس مي سوعىلۋ كلينيكاسىمەن حيرۋرگيا بولىمىنە جاتقىزىلعان. 8 ساۋىردە ساعات 10:35-تە اتا-اناسىنىڭ وتىنىشىمەن قازالى اۋداندىق تەمىرجول اۋرۋحاناسىنا اۋىستىرىلدى. ءتيىستى مەديتسينالىق كومەك ۇيىمداستىرىلدى. باس سۇيەگىنىڭ رەنتگەنوگرافياسى, كومپيۋتەرلى توموگرافياعا ءتۇسىرىلدى. سونداي-اق ءىش قۋىسىنىڭ, بۇيرەك ۋلترادىبىستىق زەرتتەۋلەرى جۇرگىزىلدى. نەۆرولوگ, وكۋليست ماماندارى ناۋقاستىڭ دەنساۋلىعىن تەكسەردى. جالپى جاعدايى تۇراقتى. وبلىستىق مەديتسينالىق اۆياتسيا ارقىلى سالا ماماندارىنان كەڭەس الىنىپ, ەمىنە كوررەكتسيا جاسالدى. قازىر ناۋقاس دارىگەرلەردىڭ باقىلاۋىندا», دەدى باسقارمادان.
