وسىدان ءبىراز بۇرىن (27.01.21 ج) «ەگەمەن قازاقستاندا» ءبىز جىبەرگەن «ماسكەۋ فەستيۆالىنە بارعاندا...» دەگەن فوتوسۋرەتتى شىعارعان ەدىڭىزدەر. ەندى بۇل تاقىرىپقا قايتا ورالىپ, تاعى بىرەۋىن «جولداپ» وتىرمىز.
– سوناۋ 1985 جىلى كەشەگى سوۆەت وكىمەتىنىڭ استاناسى ماسكەۋ قالاسىندا جاستار مەن ستۋدەنتتەردىڭ XII فەستيۆالى ءوتتى, – دەيدى قاليعۇمار اعا. – وسىناۋ ۇلكەن, اسا اۋقىمدى باس قوسۋعا مەن دە ءفوتوتىلشى رەتىندە (ارينە, ءتيىستى ورىنداردىڭ جولداماسىمەن) قاتىسقان ەدىم. مىنا سۋرەتتى سوندا تۇسىرگەن ەدىم. مۇندا فەستيۆالگە جىبەرىلگەن قازاق جاستارى دەلەگاتسياسى ءبىر توبىنىڭ كرەمل الدىنداعى قىزىل الاڭداعى شەرۋىنەن كورىنىس بەرگەن. ورتاداعى دومبىرا تارتىپ كەلە جاتقان ۇلتتىق ۇلگىدەگى باسكيىمدى, اق كوستيۋم-شالبارلى جىگىت – قازاقتىڭ كەرەمەت ءانشى, كومپوزيتور, ونەر زەرتتەۋشىسى, مارقۇم, قايران جانىبەك كارمەنوۆ.
ءيا, سول كەزدە ۇلتىمىزدىڭ جالىن جۇرەك جاس قىز-جىگىتتەرى الىپ يمپەريانىڭ باس قالاسىنىڭ باستى الاڭىن وسىلايشا تاماشا ءان-دۋمانعا بولەپ ەدى-اۋ!
بەرىكباي قادىقوۆ,
جۋرناليست
الماتى وبلىسى,
قاراساي اۋدانى
