سوتتالۋشى ءوزىن مامانداندىرىلعان حالىققا قىزمەت كورسەتۋ ورتالىعىنىڭ قىزمەتكەرى رەتىندە تانىستىرىپ, جابىرلەنۋشىلەردەن ءتۇرلى قىزمەتتەرى ءۇشىن پارا سۇراعانى انىقتالدى.
ماسەلەن, جابىرلەنۋشىلەردىڭ ءبىرى اكىمدىك قىزمەتكەرلەرى ارقىلى جەر تەلىمىن الۋ ءۇشىن ودان 400 000 تەڭگە سۇراعانىن ايتقان. الاياق كەپىلگە 80 000 تەڭگە العان.
سونداي-اق ول جابىرلەنۋشىنى قۇجاتتاردى العاننان كەيىن شەنەۋنىكتەن قالعان 320 مىڭ تەڭگەنى پارا رەتىندە سۇراعان.
«سوتتالۋشىنىڭ كىناسى جابىرلەنۋشىنىڭ ايعاقتارىمەن, ساراپتاما, اقشالاي قاراجاتتى الۋ جانە تاپسىرۋ حاتتاماسى, ارنايى جەدەل-ىزدەستىرۋ ءىس-شارالارى كەزىندە جۇرگىزىلگەن سويلەسۋلەردىڭ جازبالارى, WhatsApp جەلىسىندەگى حاتتار ارقىلى دالەلدەندى», دەپ حابارلادى سوت.
سوت ونى كىنالى دەپ تانىپ, 3 جىلعا باس بوستاندىعىنان ايىردى.
