ورتاشا العاندا, شەتەلدەن كەلگەن قوناقتار كاسپي تەڭىزىنىڭ جاعالاۋىندا ءبىر اپتادان 12 كۇنگە دەيىن قوناقتاعان.
سونداي-اق ەلىمىزدەگى دەمالىس مەرزىمىنىڭ ۇزاقتىعى بويىنشا العاشقى ۇشتىككە الماتى جانە استانا قالالارى كىردى. 2022 جىلى الماتىعا 417 مىڭنان استام شەتەلدىك قوناق كەلدى. ورتاشا العاندا, ولار وڭتۇستىك استانادا 3-5 كۇن وتكىزگەن. بىلتىر استاناعا 238 مىڭنان استام شەتەلدىك تۋريست كەلدى.
ەلوردادا تۋريستەر 2-3 كۇن تۇراقتايدى. بۇل رەتتە شەتەلدەن كەلگەن تۋريستەردىڭ قازاقستاندا ساياحاتتاۋ مەرزىمىنىڭ ورتاشا ۇزاقتىعى 4 كۇندى قۇرايتىنىن ايتا كەتۋ كەرەك.
«ساپاردىڭ ۇزاقتىعى ءوڭىردىڭ تۋريستىك تارتىمدىلىعىن كورسەتەدى. ماڭعىستاۋ وبلىسىنىڭ الەۋەتى وتە زور جانە ءبىز ونى تولىعىمەن ىسكە اسىرۋ باعىتىندا بەلسەندى جۇمىس ىستەپ جاتىرمىز. مامانداردى دايارلاۋ جانە وقىتۋ, تۋريستىك ينفراقۇرىلىم سالۋ, جاڭا تىكەلەي اۆيارەيستەر اشۋ بويىنشا كەلىسسوزدەر جۇرگىزىلىپ جاتىر. شەتەلدىكتەر اراسىندا سۇرانىس ۇلكەن. سول سەبەپتى ەلىمىزگە كەلەتىن شەتەلدىك تۋريستەردىڭ سانىن ارتتىرۋ بويىنشا جۇمىستى جالعاستىرامىز», دەدى قر مادەنيەت جانە سپورت ۆيتسە-ءمينيسترى ەرجان ەركىنباەۆ.
