رەكتور قۇرمەتتى قوناقتى ۋنيۆەرسيتەت جەتىستىكتەرىمەن تانىستىرىپ, قىتايلىق جوعارى وقۋ ورىندارىمەن ارىپتەستىك بايلانىستاردىڭ جۇيەلى جولعا قويىلعانىن اتاپ ءوتتى.
– ءال-فارابي اتىنداعى قازۇۋ-دا عىلىمعا ەرەكشە كوڭىل بولىنەدى. بۇگىندە ۋنيۆەرسيتەت عالىمدارى 100 يننوۆاتسيالىق جوبا ازىرلەپ شىقتى. قازىرگى تاڭدا عىلىمي جوبالاردى ىلگەرىلەتۋ جانە كوممەرتسيالاندىرۋ باعىتىندا جۇمىستار جۇرگىزىلۋدە. قازۇۋ قالاشىعىندا Samsung, Hewlett-Packard, Cisco, كوnىسا Minolta, Fujitsu, Alcatel, Microsoft, «كاسپەرسكي زەرتحاناسى», Huawei جانە ت.ب. جوعارى تەحنولوگيالىق كومپانيالاردىڭ سەرتيفيكاتتاۋ ورتالىقتارى, ينستيتۋتتارى مەن اكادەميالارى ورنالاسقان. بۇگىندە قازۇۋ قحر-دىڭ 43 جوعارى وقۋ ورنىمەن سەرىكتەستىك ورناتتى. ۋنيۆەرسيتەتتە قىتايتانۋ كافەدراسى مەن كونفۋتسي ينستيتۋتى جۇمىس ىستەيدى, – دەدى رەكتور.
ءوز كەزەگىندە بيان دەچجي مىرزا جىلى قابىلداعانى ءۇشىن ۋنيۆەرسيتەت رەكتورىنا العىسىن ءبىلدىرىپ, ءوز ۇسىنىسىن ورتاعا سالىپ: ء«ال-فارابي اتىنداعى قازۇۋ – قازاقستانداعى كوشباسشى ۋنيۆەرسيتەت. الداعى ۋاقىتتا قازۇۋ-مەن تىعىز قارىم-قاتىناستا بولىپ, سەرىكتەستىكتى ارتتىرۋعا دايىنبىز. سونىمەن قاتار قىتاي مۇناي ۋنيۆەرسيتەتى قازۇۋ-مەن سەرىكتەستىك ورناتقىسى كەلەدى. اتالعان ۋنيۆەرسيتەت قحر-داعى مۇناي سالاسىندا مامان دايارلايتىن بىردەن-ءبىر جەتەكشى جوعارى وقۋ ورنى بولىپ تابىلادى. ەكى ۋنيۆەرسيتەت اراسىنداعى سەرىكتەستىك الداعى ۋاقىتتا بىرلەسىپ كادر دايارلاۋعا جانە قوسديپلومدىق ءبىلىم بەرۋ باعدارلاماسىن جۇزەگە اسىرۋعا سەپ بولادى», دەپ اتاپ ءوتتى.
جۇزدەسۋ سوڭىندا قوس تاراپ اتالعان ۇسىنىستاردى جوسپارلى تۇردە ىسكە اسىرۋعا ۋاعدالاسىپ, ەستەلىك سىيلىقتارمەن الماستى. جانسەيىت تۇيمەباەۆ قۇرمەتتى مەيمانعا «قازۇۋ-دىڭ 100 يننوۆاتسيالىق جوبالارى» اتتى كىتاپتى سىيعا تارتىپ, ۋنيۆەرسيتەت بازاسىندا CNPC كومپانياسىنىڭ كەڭسەسىن اشۋدى ۇسىندى.
