ول كىشكەنتاي كەزىنەن اتا-اجەسىنىڭ تاربيەسىن كورىپ, ءتورت ت ۇلىككە جاقىن بولىپ وسكەن. اجەسىنە مال جايعاۋعا كومەكتەسىپ ءجۇرىپ, اسىرەسە جىلقىعا قىزىعۋشىلىعى ويانعان.
«جىلقىنىڭ ادامدى تارتىپ تۇراتىن قاسيەتى بار. ءوزىمنىڭ جەكە تۇلپارىم بولعانىن قالاۋشى ەدىم. بۇل قالاۋىما اكە-شەشەم قولداۋ ءبىلدىرىپ, ءوزىم جيناعان اقشاعا تاي ساتىپ الدىم. سول تايدى ءوزىم قولعا ۇيرەتىپ, جەم-ءشوبىن, سۋىن بەردىم. العاش رەت تايعا مىنگەن ءساتىم ۇمىتىلمايدى», دەيدى داريا بولاتقىزى.
وقۋشىنىڭ ايتۋىنشا, اتتان بىرنەشە رەت قۇلاپ, گيپسپەن جۇرۋىنە تۋرا كەلگەن. مۇنى كورگەن اكە-شەشەسى اتقا مىنۋىنە تىيىم سالىپتى. كەيىن قىزىنىڭ ىنتاسىن بايقاپ, رۇقساتىن بەرگەن ەكەن.
ء«ار اتا-انا بالاسىنىڭ اماندىعىن ويلايدى. بالاسىنىڭ ەشتەڭەگە ۇرىنباي, امان ورالعانشا الاڭداپ جۇرەدى. اتتان قۇلاعانىمدى كورگەن اكە-شەشەمنىڭ قوبالجۋى, الاڭداۋى ورىندى. بىراق مەنى ەشكىم اتقا مىنۋگە ماجبۇرلەگەن جوق. اتقا ءمىنۋ – ءوزىمنىڭ قالاۋىم», دەيدى ول.
داريانىڭ وتباسىندا اپكەسى مەن ءسىڭلىسى, ءىنىسى بار. اكەسى بولات بەرەكەنوۆتىڭ ماماندىعى – مەحانيك. ال اناسى ايسۇلۋ جۇمعاليەۆا مەكتەپتە ەڭبەك پانىنەن ءدارىس بەرەدى.
«اتقا ءمىنۋدىڭ پايداسى وتە كوپ. بىرىنشىدەن, كوڭىل كۇيىڭ كوتەرىلىپ, سەرگەك جۇرەسىڭ. ەكىنشىدەن, بۇل – ءبىزدىڭ حالقىمىزدىڭ عاسىرلار بويى قالىپتاسقان مادەنيەتىمىز. بۇرىنعى بابالارىمىز اتقا ءمىنىپ, بايتاق جەرىمىزدى قورعاپ قالعانىن تاريحتان بىلەمىز. «جاۋجۇرەك مىڭ بالا» كينوسىن كورگەننەن سوڭ اتقا دەگەن قىزىعۋشىلىعىم ارتا ءتۇستى. ماعان سول كينوداعى قورلاننىڭ وبرازى ۇنادى. مەن دە وسىنداي ۇلتتىق كينوعا ءتۇسۋدى ارمانداپ ءجۇرمىن», دەيدى اساۋ ۇيرەتكەن وقۋشى قىز.
بايگە, قىز قۋ, جامبى اتۋ سەكىلدى ۇلتتىق سپورت تۇرلەرىن مەڭگەرگەن. بىلتىر ماحامبەت اۋدانىندا كونستيتۋتسيا كۇنىنە وراي ۇلتتىق ويىندار بايگەسىنە قاتىستى. ات سپورتىنا دەن قويۋمەن شەكتەلمەي, ءوزى باپتاعان تۇلپارىن بايگەگە قوسىپ ءجۇر. بايگەگە قوسقان تۇلپارى 20 جۇيرىكتىڭ اراسىنان 2-ورىندى يەلەنگەن.
«حالقىمىزدىڭ ۇلتتىق ويىنىنىڭ ءبىرى – قىز قۋ. بۇل ويىنعا نۇرشات ءاليحان, فاتيما ورىنعالي, قىمبات اسىلحان, ساۋلە اسانكەلدى سەكىلدى قۇربىلارىممەن بىرگە العاش رەت قاتىسقان ەدىم. ماعان قىز قۋدىڭ شارتى ۇنادى. ەرەجەگە سايكەس جىگىت قىزدى قۋىپ جەتىپ, بەلبەۋىنەن شارفتى ج ۇلىپ الۋى كەرەك. سول ويىندا ءبىزدىڭ جولىمىز بولدى. ءبىز مىنگەن تۇلپارلارعا جىگىتتەر جەتە العان جوق. ۇلتتىق ات سپورت تۇرلەرىنە قاتىسقانىما ەكى جول بولدى. ۇل بولسام, اۋدارىسپاق پەن تەڭگە ءىلۋدى, كوكپاردى دا مەڭگەرىپ الار ەدىم. سپورتتىڭ قيىن ءتۇرى جوق. ەڭ باستىسى, كەز كەلگەن سپورت ءتۇرىن ەركىن مەڭگەرىپ, جەتىستىككە جەتۋ ءۇشىن ىنتا قاجەت», دەيدى د.بولاتقىزى.
ونىمەن بىرگە اتقا ءمىنۋدى, ات ۇستىنەن ساداق اتۋدى ۇيرەنىپ جۇرگەن قىزدار بار. ءوزىنىڭ ءسىڭلىسى دە اتقا قۇمار. وقۋشى قىز كۇنىنە 4-5 ساعاتىن تۇلپارىن باپتاۋعا ارنايدى. جەم-ءشوبىن, سۋىن جاڭارتىپ, سەرۋەنگە الىپ شىعادى.
ء«بىزدىڭ اۋىلدا اتقا ءمىنۋدى سەرىك ەتكەن 10-عا جۋىق ەر بالا بار. سول ۇلدارمەن بىرگە مەن دە اتقا ءمىنۋدى ۇيرەنشىكتى ادەتىمە اينالدىردىم. تۇلپارىمنىڭ قاسىندا جۇرسەم, ۋاقىتتىڭ قالاي تەز وتكەنىن اڭعارماي قالامىن. بولاشاقتا ۇلتتىق ات سپورتىنىڭ وركەندەگەنىن قالايمىن. سول سەبەپتەن, وعان ءوزىمنىڭ ۇلەسىمدى قوسقىم كەلەدى. وسى ماقساتىمدى ىسكە اسىرۋ ءۇشىن الماتىداعى قازاق قىزدار پەداگوگيكالىق ۋنيۆەرسيتەتىنە وقۋعا تۇسۋگە دايىندالىپ ءجۇرمىن. جوعارى ءبىلىم الىپ, ۇلتتىق سپورتتى دامىتۋعا قىزمەت ەتەتىن بىلىكتى مامان بولعىم كەلەدى», دەپ الداعى ماقساتىمەن ءبولىستى اساۋ ۇيرەتكەن ارۋ.
اتىراۋ وبلىسى
