16 جاستان 60 جاسقا دەيىنگى جانە ودان جوعارى جاس ساناتتارىندا 350-دەن استام اۋەسقوي جارىسقا شىقتى. جارىس الدىندا ۇجىمدىق جاتتىعۋلار وتكىزىلدى.
«مەن ەلوردادا تۇرامىن, بۇگىن ASTANA RUN-عا قاتىسقالى تۇرمىن. كوڭىل-كۇيىم كەرەمەت. جارىسقا قاتىسقان ەلوردانىڭ بارلىق تۇرعىندارىنا ساتتىلىك, كەرەمەت كوڭىل-كۇي تىلەيمىن!», دەدى استانا تۇرعىنى ءاليا نۇرعاليەۆا.
سپورتشىلارعا مارە سىزىعىندا مەدال تاپسىرىلدى.
«جارىس كۇنى اۋا رايى كەرەمەت بولدى. جارىسقا 350-گە جۋىق اۋەسقوي سپورتشى قاتىستى. قاتىسۋشىلارعا تاتتىلەر, سۋسىن, ىستىق شاي بەرىلدى. مىنە, وسىنىڭ ءبارى ماۋسىمنىڭ العاشقى جارىسىندا بولدى. بارلىق قاتىسۋشىلارعا, قالالىق قىزمەتتەرگە, مەديتسينا قىزمەتكەرلەرىنە, ەرىكتىلەرگە, سەرىكتەستەرگە العىس ايتامىز. ولاردىڭ كومەگىنسىز بۇگىنگى ءىس-شارا جوعارى دەڭگەيدە وتپەس ەدى», دەدى قالالىق ترياتلون فەدەراتسياسىنىڭ پرەزيدەنتى ەۆگەني بولگەرت.
جەڭىمپازدار مەن جۇلدەگەرلەر بارلىق جاس ساناتتارىنداعى ەرلەر مەن ايەلدەر اراسىندا ۇزدىك ناتيجە بويىنشا انىقتالدى. ولار مەدالدارمەن, ديپلومدارمەن جانە اقشالاي سەرتيفيكاتتارمەن ماراپاتتالدى.
ايتا كەتەيىك, ءىس-شاراداعى قاۋىپسىزدىك جەدەل مەديتسينالىق جاردەم ماشينالارىنىڭ كەزەكشىلىگىمەن جانە قۇقىقتىق ءتارتىپ ساقشىلارىمەن قامتاماسىز ەتىلدى.
