وقيعا 30 ناۋرىز كۇنى استانا ۋاقىتىمەن ساعات 23:22 شاماسىندا بولعان.
«مىنا پوليتسيا قىزمەتكەرى قاشىپ, ءوزىنىڭ ءىشىپ العان ماس قىزمەتكەرىن سونشا ءدۇيىم حالىقتان جاسىرىپ ءجۇر. قازىر ءبىز ولاردى ۇستاپ وتىرمىز. بۇلاردىڭ دا اۋزىنان ءيىس شىعىپ تۇر. قازىر ناركوديسپانسەرگە اپارامىز. قارابۇلاق ەلدى مەكەنىنىڭ اقمىرزاەۆ اسىلبەك دەگەن باسشى قىزمەتكەرىن شاقىردىق. ول دا كەشىگىپ كەلە الماي جاتىر», دەيدى ۆيدەو اۆتورى.
ونىڭ سوزىنشە, كولىكتە ءۇش پوليتسيا قىزمەتكەرى بولعان, ءبارى ماس. كادرلاردان پوليتسياعا جەرگىلىكتى تۇرعىنداردىڭ كوپتەپ قىسىم جاساعانى بايقالادى. ۆيدەودا ولاردىڭ قاشىپ كەتپەك بولعانى ايتىلعان.
تۇركىستان وبلىسىنىڭ پوليتسيا دەپارتامەنتى اتالعان فاكتى بويىنشا دەپارتامەنت باسشىسىنىڭ تاپسىرماسىمەن قىزمەتتىك تەكسەرۋ جۇرگىزىلىپ جاتقانىن حابارلادى.
بۇگىن ءىستى تارتىپتىك كوميسسيا قارايدى.
