ەلدى مەكەندى سۋ باسۋ قاۋپىنە بايلانىستى تۇرعىندار قاراتال اۋىلدىق مەكتەبىنە الدىن الا كوشىرىلىپ, سۋ شايعان جاعالاۋداعى اۋماقتى قالپىنا كەلتىرۋ شارالارى جۇرگىزىلدى. 17 ناۋرىزدا ويىل اۋدانى اكىمدىگىنىڭ قاۋلىسىمەن تابيعي اپاتقا بايلانىستى جەرگىلىكتى دەڭگەيدەگى توتەنشە جاعداي جاريالاندى.
«شۇعىل قولعا الىنعان شارالاردىڭ ارقاسىندا سۋ دەڭگەيى تومەندەدى, ەۆاكۋاتسيالانعان ادامداردىڭ سول كۇنى-اق ۇيلەرىنە ورالۋىنا مۇمكىندىك تۋدى. قازىر سۋ تاسقىنىنان بولعان زالالدى باعالاۋ جونىندەگى كوميسسيا ۇيلەر مەن اۋلا اۋماقتارىن تەكسەرۋدى جالعاستىرىپ جاتىر. بىردە-ءبىر وتباسى كومەكسىز قالمايتىنىنا سەندىرگىم كەلەدى», دەدى وبلىس اكىمى.
اۋىل تۇرعىندارىنا قولداۋ كورسەتۋ ماقساتىندا قاراتالدا كوميسسيا جۇمىسى اياقتالماعانىنا قاراماستان, 11 وتباسىعا 500 مىڭ تەڭگەلىك سەرتيفيكاتتار تابىس ەتىلدى. كوميسسيا بارلىق عيمارات پەن قۇرىلىستى تەكسەرگەننەن كەيىن كەلتىرىلگەن شىعىن كولەمىن ساراپشىلاردىڭ قورىتىندىسىنا سايكەس زارداپ شەككەندەرگە تولىق وتەپ بەرەدى.
