كوللاجدى جاساعان زاۋرەش سماعۇل, «EQ»
اتاپ ايتقاندا, ءساۋىر ايىنىڭ 1-ىنەن باستاپ «قازاقستان تەمىر جولى» ۇك» اق دوستىق – مويىنتى ۋچاسكەسىنىڭ ەكىنشى جولدارىن سالۋ كەزەڭىندە قىتايدان ورتالىق ازيا ەلدەرىنە جانە التىنكول – قورعاس پۋنكتى ارقىلى كەرى جۇك ءترانزيتىنىڭ قوزعالىسىن ۋاقىتشا قايتا باعدارلايتىن بولدى. بۇل شەشىم تاياۋدا وتكەن ورتالىق ازيا جانە قىتاي ەلدەرى وكىلدەرىنىڭ قاتىسۋىمەن بولعان تجىۇ كەڭەسىندە ايتىلدى.
التىنكول – قورعاس وتكەلى ارقىلى قىتايدان ورتالىق ازياعا جۇك تاسىمالداۋ دوستىق – الاشاڭقاي تۇيىسۋىنە قاراعاندا 500 شاقىرىمعا قىسقا جانە 10-15 پايىزعا ارزان كورىنەدى. قازىرگى كۇندە دوستىق – الاشاڭقاي ءتۇيىسۋى بويىنشا تاسىمالداۋ ۇلەسى ورتالىق ازيادا جالپى كولەمنىڭ 20 پايىزىنان اسپاي ءجۇر.
التىنكول جانە قورعاس ستانسالارى زاماناۋي ينفراقۇرىلىمعا يە جانە جۇكتەردى قابىلداۋ مەن بەرۋ ءۇشىن تەرمينالدىق مۇمكىندىكتەرى دە بار.
