قارجى نارىعىن رەتتەۋ جانە دامىتۋ اگەنتتىگىنىڭ مالىمەتى بويىنشا, كورپوراتيۆتىك وبليگاتسيالار نارىعى اقشا-كرەديت تالاپتارىن قاتاڭداتۋ اياسىندا قورلاندىرۋ قۇنىنىڭ قىمباتتاۋى, سونداي-اق وسى نارىقتا قولدانىستاعى شىعارىلىمداردى وتەۋ ناتيجەسىندە 2023 جىلعى قاڭتاردا 0,3%-عا نەمەسە 42 ملرد تەڭگەگە, 14,4 ترلن تەڭگەگە دەيىن ازايدى.
«كورپوراتيۆتىك وبليگاتسيالاردىڭ باستاپقى نارىعىنىڭ كولەمى 2023 جىلعى قاڭتاردا 146 ملرد تەڭگەنى قۇرادى, بۇل 2022 جىلعى جەلتوقسان ايىمەن سالىستىرعاندا 64,4%-عا نەمەسە 264 ملرد تەڭگەگە تومەن. 2023 جىلعى 1 اقپاندا KASE ساۋدا-ساتتىق تىزىمدەرىندە 82 ەميتەنتتىڭ كورپوراتيۆتىك وبليگاتسيالارىنىڭ 342 شىعارىلىمى بولدى. قاڭتاردا KASE-دە كورپوراتيۆتىك وبليگاتسيالارمەن ساۋدا-ساتتىق كولەمى 66,3%-عا نەمەسە 363 ملرد تەڭگەگە, 184 ملرد تەڭگەگە دەيىن ازايدى», دەلىنەدى حابارلامادا.
قاڭتار ايىنىڭ قورىتىندىسى بويىنشا KASE-دە مەملەكەتتىك باعالى قاعازدارمەن ساۋدا-ساتتىقتىڭ جيىنتىق كولەمى ءبىر ايدا 22,8%-عا نەمەسە 153 ملرد تەڭگەگە ازايىپ, 516 ملرد تەڭگەنى قۇراعان. سونداي-اق مەملەكەتتىك باعالى قاعازداردىڭ باستاپقى نارىعىنداعى ساۋدا-ساتتىق كولەمى 21,8%-عا نەمەسە 125 ملرد تەڭگەگە 450 ملرد تەڭگەگە دەيىن تومەندەگەن.
ۇجىمدىق ينۆەستيتسيالار نارىعىندا 47 ينۆەستيتسيالىق پاي قورى جۇمىس ىستەدى, ونىڭ ىشىندە 24 ارالىق, 21 جابىق جانە 1 اشىق پاي قورى.
باعالى قاعازدار نارىعىنىڭ ينستيتۋتسيونالدىق قۇرىلىمىندا 2023 جىلعى 1 اقپانداعى جاعداي بويىنشا 38 بروكەر مەن ديلەر (15 بانك جانە 23 بانكتىك ەمەس ۇيىم), 9 كاستوديان بانك, 20 ينۆەستيتسيالىق پورتفەلدى باسقارۋشى, 3 ترانسفەر-اگەنت, سونداي-اق 2 ينفراقۇرىلىمدىق ۇيىم: KASE جانە بىرىڭعاي تىركەۋشى جانە ساۋدا رەپوزيتوريى فۋنكتسيالارىن ورىندايتىن باعالى قاعازداردىڭ ورتالىق دەپوزيتاريى جۇمىس ىستەيدى. بۇدان باسقا, كASE نەگىزىندە ورتالىق كونتراگەنت جۇمىس ىستەيدى.
ينۆەستورلار سانى دا ءوسىپ كەلەدى. دەپونەنتتەر كليەنتتەرىنىڭ قوسالقى شوتتارىنىڭ سانى 581 776 قوسالقى شوتقا دەيىن 31 549-عا نەمەسە 5,7%-عا ءوستى.
