تۇركيا پرەزيدەنتى رەجەپ تايپ ەردوعان ءوزىنىڭ حاتىندا تۇركيانىڭ قاحرامانماراش پروۆينتسياسى مەن باسقا دا ەلدى مەكەندەرىنە وراسان زور زاردابىن تيگىزگەن جويقىن جەر سىلكىنىسىنە بايلانىستى باۋىرلاس ەلدىڭ قايعىسىنا ورتاقتاسىپ, كوڭىل ايتقانى, سونداي-اق جەدەل كومەك كورسەتكەنى ءۇشىن مەملەكەت باسشىسى قاسىم-جومارت توقاەۆقا تۇركيا حالقىنىڭ جانە جەكە ءوزىنىڭ اتىنان العىس ايتقان.
– وسىنداي تابيعي اپات كەزىندە دوستاس ەلدەردىڭ جانىمىزدان تابىلۋى قيىندىققا قارسى تۇرۋعا كۇش بەرەدى. قازاقستاننىڭ بەرگەن جاردەمى جەر سىلكىنىسىنىڭ اۋىر سالدارىمەن كۇرەس كەزىندە حالقىمىزعا زور قولداۋ بولدى. ەلىڭىزدىڭ ىزدەستىرۋ-قۇتقارۋ توبى ءۇيىندى استىندا قالعان ادامداردى امان ساقتاپ قالۋ ءۇشىن ايانباي ەڭبەك ەتىپ, ەرىك-جىگەر تانىتقانىن ءاردايىم ريزاشىلىقپەن ەسكە الامىز, – دەپ جازىلعان العىس حاتتا.
سونىمەن قاتار رەجەپ تايپ ەردوعان قاسىم-جومارت توقاەۆقا جانە دوستاس ءارى باۋىرلاس قازاقستان حالقىنا اماندىق پەن باق-بەرەكە تىلەدى.
