بۇل جاڭادان سايلانعان دەپۋتاتتاردىڭ ءبىرىنشى جالپى وتىرىسى.
«قازاقستان حالقىنا ادال قىزمەت ەتۋگە, قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا, ونىڭ كونستيتۋتسياسى مەن زاڭدارىن مۇلتىكسىز ورىنداۋعا, ماعان جۇكتەلگەن دەپۋتاتتىق جوعارى مىندەتتەردى ادال اتقارۋعا انت ەتەمىن», دەدى جاڭادان سايلانعان دەپۋتاتتار.
ايتا كەتەيىك, ەلىمىزدە 2023 جىلدىڭ 19 ناۋرىزىندا ءماجىلىس پەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋى ءوتتى.
«اق جول» قازاقستان دەموكراتيالىق پارتياسى - 6, «AMANAT» پارتياسى - 40, «اۋىل» حالىقتىق-دەموكراتيالىق پاتريوتتىق پارتياسى - 8, جالپىۇلتتىق سوتسيال-دەموكراتيالىق پارتياسى - 4, «قازاقستان حالىقتىق پارتياسى» - 5 جانە «Respublica» - 6 ماندات الدى. سونىمەن قاتار ماجىلىس دەپۋتاتتارىنىڭ تولىق ءتىزىمى جاريالانعان ەدى.
28 ناۋرىزدا وسك پارتيالىق ءتىزىم بويىنشا VIII شاقىرىلىمداعى ءماجىلىس دەپۋتاتتارىن تىركەدى. ءتيىستى قاۋلى قابىلدانعاننان كەيىن دەپۋتاتتارعا كۋالىكتەر مەن توسبەلگىلەر تابىس ەتىلدى.
