«الدىمىزدا ايرىقشا ماڭىزدى مىندەتتەر تۇر. ءبىز جان-جاقتى جاڭعىرتۋ جۇمىسىن كۇشەيتۋىمىز قاجەت. سونداي-اق الەۋمەتتىك-ەكونوميكالىق دامۋ بارىسىنا تىڭ سەرپىن بەرۋىمىز كەرەك», دەدى پرەزيدەنت VIII سايلانعان قازاقستان رەسپۋبليكاسى پارلامەنتىنىڭ ءبىرىنشى سەسسياسى بارىسىندا.
مەملەكەت باسشىسىنىڭ ايتۋىنشا, قازاقستان ۇزاق ۋاقىت بويى قولايلى سىرتقى احۋالعا ارقا سۇيەپ كەلدى. ال حالىق نەشە ءتۇرلى تۇجىرىمدامالارعا, باعدارلامالارعا سەندى.
«اتقارىلعان جۇمىس تۋرالى جالعان ەسەپكە سەنۋگە ءماجبۇر بولدى. الايدا اسا ماڭىزدى, وزەكتى ماسەلەلەر نازاردان تىس قالدى. حالىقتىڭ تۇرمىس ساپاسى ءالى كۇنگە دەيىن جاقسى ەمەس. قۇقىقتىق ادىلەتسىزدىك بەلەڭ الدى. باي مەن كەدەيدىڭ اراسى الشاقتاي ءتۇستى. الداعى بەس جىلدا ۇكىمەت جانە پارلامەنت وسى نەگىزگى ماسەلەلەردىڭ شەشىمىن تابۋى قاجەت», دەدى ەل پرەزيدەنتى.
مەملەكەت باسشىسى اتاپ وتكەندەي, ەل ەكونوميكاسىندا جانە الەۋمەتتىك سالادا جىلدار بويى جينالىپ قالعان تۇيتكىلدەر كوپ. ونىڭ بارلىعىن رەتكە كەلتىرۋ ءۇشىن جۇرتتىڭ بارىنە بىردەي جاعا بەرمەيتىن, بىراق ءتيىمدى ءارى قاجەتتى شەشىمدەر قابىلداۋ ءتيىمدى بولماق.
