بۇگىن تاڭەرتەڭ تەننەسي شتاتى, نەشۆيلل قالاسىنداعى ءدىني مەكتەپتىڭ ءۇش وقۋشىسى مەن ءۇش قىزمەتكەرى قاسكويدىڭ قولىنان قازا تاپتى. 28 جاستاعى ايەل ەكى جارتىلاي اۆتومات جانە تاپانشامەن قارۋلانىپ كوۆەنەنت مەكتەبىندەگى وقۋشىلارعا وق جاۋدىردى. وقيعا ورنىنا كەلگەن پوليتسيامەن اتىسىپ, ءوزى دە وققا ۇشتى. ونىڭ مۇنداي اسا اۋىر قىلمىسقا نە ءۇشىن بارعانى بەلگىسىز.
بۇل جىل باستالعالى بەرى اقش-تا بەيبىت تۇرعىندارعا بەي-بەرەكەت وق اتىلعان 130-وقيعا. «تاپا-تال تۇستە قاشانعى بەيكۇنا بالالاردى قۇربان ەتەمىز», دەگەن پرەزيدەنت دجو بايدەن كونگرەسستى ناقتى شارا قابىلداۋعا شاقىرىپ وتىر.
پوليتسيا باسقارماسى باسشىسىنىڭ ايتۋىنشا, كۇدىكتى وسى مەكتەپتىڭ تۇلەگى بولعان.
ايتا كەتەيىك سوڭعى جىلدارى اقش-تا جاپپاي وق جاۋدىرۋ وقيعاسى قالىپتى جاعدايعا اينالىپ بارادى. بىراق ايەل ادامنىڭ مۇنداي اۋىر قىلمىسقا بارۋى سيرەك ەكەن. 1966 جىلدان بەرى تەك ءتورت ايەل وسىعان ۇقساس قىلمىس جاساعان. GVA (Gun violence archive) دەرەگى بويىنشا جىل باسىنان بەرى بەي-بەرەكەت وق اتۋ وقيعاسىنان 400-گە جۋىق بالا كوز جۇمدى.
