Respublica Partiyasy 6 كانديداتتىڭ ەسىمىن جاريالادى. بۇل تۋرالى ايداربەك قوجانازاروۆ مالىمدەدى.
«قۇرمەتتى دوستار, قازاقستاندىقتار! بۇگىن وسك قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىن سايلاۋدىڭ قورىتىندىسىن جاريالادى. Respublica Partiyasy 547 154 داۋىس جيناپ, 8,59% كورسەتكىشپەن پارلامەنتتىڭ تومەنگى پالاتاسىنا 6 ماندات الىپ, ءۇشىنشى ورىنعا يە بولدى», دەپ اتاپ ءوتتى ول.
ول پارتيا ءتىزىمى بويىنشا ءماجىلىس دەپۋتاتاتتىعىنا باراتىنداردىڭ اتى-ءجونىن اتادى.
«ماجىلىستە ءبىزدىڭ پارتيامىزدىڭ اتىنان شىعاتىن دەپۋتاتتار - مەن, پارتيا توراعاسى ايداربەك قوجانازاروۆ, پارتيانىڭ تەڭ توراعالارى - دينارا شۇكىجانوۆا مەن رۋسلان بەردەنوۆ, سونداي-اق دينارا ناۋموۆا, نۇرگۇل تاۋ جانە ولجاس قۇسپەكوۆ», دەدى ول.
ءسوز سوڭىندا سەنىم ارتقاندارعا العىس ءبىلدىرىپ, ەندى ىسكە كىرىسەتىنىن ايتتى.
«مەن جانە مەنىڭ ارىپتەستەرىم بىزگە كورسەتكەن سەنىم ءۇشىن شىن جۇرەكتەن العىس ايتامىز جانە ءسىزدىڭ تاڭداۋىڭىزدىڭ دۇرىستىعىن سوزبەن ەمەس, وتانىمىز - تاۋەلسىز قازاقستاننىڭ يگىلىگى ءۇشىن ناقتى ىستەرمەن دالەلدەۋگە ۋادە بەرەمىز!العا, Respublica!», دەدى ايداربەك قوجانازاروۆ.
