ەلىمىزگە جالپى 180 ملرد. دوللار شەتەلدىك ينۆەستيتسيا تارتىلعان

استانا. 30 ماۋسىم. تاۋەلسىزدىك العالى بەرى ەلىمىزگە جالپى 180 ملرد. اقش دوللارى كولەمىندە شەتەلدىك ينۆەستيتسيا قۇيىلعان. بۇل تۋرالى «24kz» حابارلادى. جوعارىدا كورسەتىلگەن قارجى بۇكىل ورتالىق ازيا مەملەكەتتەرىنە تارتىلعان كاپيتالدىڭ 70 پايىزىن قۇراپ وتىر. بۇگىندە ەلىمىزدىڭ ەكونوميكاسىنا ينۆەستيتسيا سالۋعا قۇلشىنىس ءبىلدىرىپ وتىرعان شەتەلدىك ءىرى كومپانيالاردىڭ قاتارى وسە تۇسۋدە. شەتەلدىك ينۆەستورلاردىڭ قازاقستانعا دەگەن قىزىعۋشىلىقتارىنىڭ ارتۋىنا كوپتەگەن جاعىمدى فاكتورلار اسەرىن تيگىزۋدە. ماسەلەن, ەلىمىزدە ۇلكەن نارىقتىق مۇمكىندىكتەر مەن تابيعي رەسۋرستار مول. سونداي-اق, ەلىمىزدىڭ ستراتەگيالىق ورنالاسۋى دا بىرقاتار ارتىقشىلىقتارعا يە. بۇدان بولەك, ەكونوميكالىق, ساياسي جانە الەۋمەتتىك تۇراقتىلىق, قولايلى ينۆەستيتسيالىق زاڭناما شەتەلدىك ينۆەستورلار ءۇشىن وتە ءتيىمدى. سونىمەن قاتار, سالىق تولەۋدە ينۆەستورلارعا ەداۋىر جەڭىلدىكتەر جاسالعان. تاعى ءبىر ەرەكشە توقتالا كەتەر ءجايت, اسا ءىرى ينۆەستورلار پرەزيدەنت جانىنداعى شەتەلدىك ينۆەستورلار كەڭەسىنە مۇشەلىككە وتە الادى. جولدىباي بازار. دەرەككوز: «24kz». فوتو: vestikavkaza.ru.