دوكتورانت اقش-تا مەملەكەت دامۋىنداعى مەريتوكراتيا پرينتسيپتەرىن زەرتتەۋ جۇمىستارىمەن اينالىسىپ جاتىر. جاس عالىمنىڭ پايىمداۋىنشا, شەتەل تاجىريبەسى قازاقستان ءۇشىن پايدالى بولارىنا سەنىمدى.
«گارۆاردتا بىلىكتىلىك ارتتىرۋ مەنىڭ ارمانىم بولدى. ول ءۇشىن 7-8 اي بويى دايىندالدىم. جارتى جىل ىشىندە گارۆارد قىزمەتكەرلەرىنەن جاۋاپ كەلدى. ناتيجەسىندە شەتەلدەن شاقىرىلعان عىلىمي قىزمەتكەر مارتەبەسى ۇسىنىلدى», دەيدى جاس عالىم.
ارىستانبەك اقش-تا «سينگاپۋر مەملەكەتتىلىگىنىڭ قالىپتاسۋ ەۆوليۋتسياسى: مەريتوكراتيا جانە جاڭعىرتۋ. قازاقستانعا ارنالعان تاجىريبە» تاقىرىبى بويىنشا زەرتتەۋ جۇمىسىن جالعاستىرۋدا. ەندى دوكتورانت گارۆارد ۋنيۆەرسيتەتتىڭ ماتەريالدىق بازاسىن جانە Widener Library سيرەك ماتەريالدار كىتاپحاناسىن, وقۋ ورنىنىڭ اففيلياتسياسىن, گارۆاردتىڭ ەلەكتروندىق پوشتا مەكەنجايىن, سپورت ورتالىقتارىن تولىق پايدالانۋ مۇمكىندىگىنە يە بولدى.
