اۋەلى 17 وبلىس پەن 3 مەگاپوليستەگى ورتالىق كىتاپحانالاردىڭ اياسىندا باستالعان «شاكارىم وقۋلارىنا» 5-7 سىنىپ وقۋشىلارى اراسىنان 2000 بالا قاتىسۋعا نيەت بىلدىرگەن. ايماقتارداعى ىرىكتەۋدەن سۇرىنبەي وتكەن 22 وقۋشى ءبىلىم جارىسىنىڭ جارتىلاي فينالىنا ءوتىپ, رەسپۋبليكالىق بايقاۋعا جولداما الدى. ال وزىق وقۋشىلاردىڭ اراسىنان شىن جۇيرىكتى انىقتايتىن سىناقتى ۇلتتىق اكادەميالىق كىتاپحانا ونلاين رەجىمدە وتكىزدى. بۇعان قاتىسقان 22 جاس شاكارىمتانۋشىنىڭ اراسىنان 11 ۇزدىك وقۋشى اقتىق سىنعا ءوتىپ, استانادا وتكەن قورتىندى بايقاۋعا قاتىستى.
«ۇلتتىق اكادەميالىق كىتاپحانا شاكارىم مۇرالارىن جالپى ادامزاتقا ورتاق قازىنا دەپ باعالاي وتىرىپ, بۇل اسىل مۇرانى ەڭ الدىمەن وقۋشىلاردىڭ جاتتاپ, مەڭگەرۋى «مادەني مۇرا» مەملەكەتتىك باعدارلاماسىندا كورسەتىلگەن ۇلتتىق قۇندىلىقتاردى ناسيحاتتاۋ, ۇلت تۇتاستىعىن نىعايتۋ مىندەتتەرىن جۇزەگە اسىرۋعا زور ۇلەس قوسادى دەپ ەسەپتەيدى. ال بايقاۋدىڭ ماقساتى – وقۋشىلاردى دانا بابامىزدىڭ مۇرالارىن تانىپ, زەرتتەۋگە ىنتالاندىرۋ بولدى. بايقاۋدىڭ رەسپۋبليكا كولەمىندە اۋقىمدى وتۋىنە وبلىستارداعى كىتاپحانالار ىقپال ەتتى» دەدى ۇلتتىق اكادەميالىق كىتاپحانانىڭ باس ديرەكتورى عازيزا قۇدايبەرگەنقىزى.
بۇل بايقاۋدىڭ جەڭىمپازدارى مەن جۇلدەگەرلەرى قازىلار القاسىنىڭ داۋىس بەرۋ قورىتىندىسى بويىنشا انىقتالعان.
- «شاكارىم وقۋلارىنىڭ» ماقساتى – وقۋشىلاردى دانا بابامىزدىڭ مۇرالارىن تانىپ, زەرتتەۋگە ىنتالاندىرۋ بولدى. بۇل مىندەت ورىندالدى, ءبىز ءۇشىن ىزدەنىمپاز بالالاردىڭ جۇزىندەگى شاتتىقتى كورىپ, سەزىنۋدىڭ ءوزى جەڭىس. شاكارىم بابامىزدىڭ عۇلامالىق سوزدەرىمەن, ۇلاعاتتى ولەڭدەرىمەن ءبىز سۋسىنداپ وستىك, ال قازىرگى جاس بالالاردىڭ ۇلى ويشىلدى تانۋعا ىقىلاس تانىتقانى ۇرپاق ساباقتاستىعى, رۋحاني مۇرانىڭ جالعاستىعى دەپ بىلەمىن, - دەدى بايقاۋعا دەمەۋشى بولعان كاسىپكەر ەرمەك مەزىباەۆ.
بايقاۋ قورىتىندىسى بويىنشا جۇزدەن جۇيرىك شىققان, قاي ولەڭىن دە مۇدىرمەي وقىعان, ادىلقازىلار تاراپىنان بولعان سۇراقتارعا تولىمدى جاۋاپ بەرگەن تاراز قالاسىنىڭ 6 سىنىپ وقۋشىسى – ايحانىم قايرات باس جۇلدەگە يە بولدى. ءى ورىندى شاكارىم ولەڭدەرىن ناقىشتى ورىنداعان, سۇراقتارعا ءوز ويىمەن تۇششىمدى جاۋاپ بەرگەن شىمكەنت قالاسىنىڭ 5 سىنىپ وقۋشىسى دىنمۇحاممەد كادىرحان يەلەندى. ءىى ورىندى ونەرلەرىمەن كوزگە تۇسكەن دارىندى ءۇش ۇمىتكەر ءبولىستى. ولار: باتىس قازاقستان وبلىسى ورال قالاسىنان 6 سىنىپ وقۋشىسى - ايارۋ ءامىرتاي, قىزىلوردا وبلىسى قازالى اۋدانىنان 7 سىنىپ وقۋشى – گۇلناز جەڭىسبەك, شىعىس قازاستان وبلىسى التاي اۋدانىنان ارۋجان ايىرباي. ءىىى ورىندى 3 ۇمىتكەر: پاۆلودار وبلىسىنان كەلگەن 7 سىنىپ وقۋشىسى - گۇلناز باحبەرگەن, قوستاناي وبلىسى جانگەلدى اۋدانىنان كەلگەن 7 سىنىپ وقۋشىسى - ايشا قوسىلبەك جانە جەتىسۋ وبلىسى جارگەنت اۋدانى اۋليەاعاش اۋىلىنان كەلگەن 5 سىنىپ وقۋشىسى - ءجۇرسىن ازيتاي يەلەندى. قالعان قاتىسۋشىلارعا دا ىنتالاندىرۋ سىيلىقتارى مەن العىس حاتتار تابىستالدى. باس جۇلدە مەن ءى, ءىى, ءىىى ورىنعا يە بولعان جۇلدەگەرلەر باعالى سىيلىقتار مەن ديپلومدارمەن ماراپاتتالدى.
بايقاۋعا شاكىرتتەرىن ۇكىلەپ الىپ كەلگەن جەتەكشىلەرگە مادەنيەت جانە سپورت ۆيتسە-ءمينيسترى ن.داۋەشوۆتىڭ اتىنان العىس حات, شاكىرتتەرىن مىقتى دايىنداعان ۇستازدارعا م.اۋەزوۆتىڭ 125 جىلدىعىنا ارنالعان مەرەيلى ءتوس بەلگىسىن, ەڭ ۇزدىك ونەر كورسەتكەن وقۋشىلاردى دايىنداعان قويسىناي جاسۇزاقوۆا مەن كۇلزيپا حايرۋلليناعا جانە باس جۇلدە العان جۇلدەگەردىڭ جەتەكشىسى ايگەرىم بەكپاتشاەۆاعا «قازاقستاننىڭ ءبىلىم بەرۋ ءىسىنىڭ قايراتكەرى» توسبەلگىسى تابىستالدى. بالالارىنا قولداۋ ءبىلدىرىپ, دارىندى ەتىپ تاربيەلەگەن اتا-انالارعا دا توسبەلگى جانە باعالى سىيلىقتار مەن العىس حاتتار بەرىلدى. اتالعان بايقاۋ كەزەڭدەرىندە ۇلگىلى دايىندىقتارىمەن كوزگە تۇسكەن كىتاپحانالار قر مادەنيەت جانە سپورت ۆيتسە-ءمينيسترى ن.داۋەشوۆتىڭ اتىنان العىس حاتتارمەن ماراپاتتالدى.
