اقتوبە وبلىسى اكىمىنىڭ جاڭا ورىنباسارلارى تاعايىندالدى

استانا. 30 ماۋسىم. اقتوبە ءوڭىرىنىڭ باسشىسى ارحيمەد مۇحامبەتوۆتىڭ بۇيرىعىمەن وبلىس اكىمىنىڭ ەكى ورىنباسارى بەكىتىلدى. بۇل تۋرالى «قازاقپارات» حابارلادى. سونىمەن, اقتوبە وبلىسى اكىمىنىڭ ءبىرىنشى ورىنباسارى بولىپ روزا كەمالوۆا تاعايىندالدى. روزا كەمالوۆا 1959 جىلى تۋعان. الماتىداعى حالىق شارۋاشىلىعى ينستيتۋتىن ەكونوميست ماماندىعى بويىنشا بىتىرگەن. ەڭبەك جولىن 1980 جىلى تورعاي وبلىسىندا  مەملەكەتتىك بانك كەڭسەسىنىڭ ەكونوميسى بولىپ باستاعان. ءار جىلدارى اقتوبە ونەركاسىپتىك ساۋدا ەكونوميسى, مەملەكەتتىك م ۇلىك پەن جەكەشەلەندىرۋ بويىنشا اقتوبە اۋماقتىق كوميتەتى توراعاسىنىڭ ءبىرىنشى ورىنباسارى, «كاسىپورىنداردى تاراتۋ جانە قايتا قۇرۋ بويىنشا اگەنتتىگى» اكتسيونەرلىك قوعامى اقتوبە فيليالى ديرەكتورىنىڭ ءبىرىنشى ورىنباسارى بولىپ ىستەگەن. 1998 جىلى قارعالى اۋدانى اكىمىنىڭ ورىنباسارى, 2002 جىلى حرومتاۋ اۋدانى اكىمىنىڭ ورىنباسارى بولىپ تاعايىندالعان. سونداي-اق, اتىراۋ وبلىستىق مۇناي-گاز كەشەنى, سىرتقى ەكونوميكالىق بايلانىس جانە ينۆەستيتسيالىق ساياسات باسقارماسى باستىعىنىڭ ورىنباسارى, ىشكى ساياسات دەپارتامەنتى ديرەكتورىنىڭ ورىنباسارى, كاسىپكەرلىك جانە ءوندىرىس باسقارماسىنىڭ باسشىسى بولدى. ال 2008 جىلدىڭ قاراشاسىنان وسى تاعايىنداۋعا دەيىن اقتوبە وبلىسى اكىمىنىڭ ورىنباسارى قىزمەتىن اتقارعان. سول سياقتى, اقتوبە ءوڭىرىنىڭ باسشىسى ارحيمەد مۇحامبەتوۆتىڭ بۇيرىعىمەن وبلىس اكىمىنىڭ ورىنباسارى بولىپ عالي يسقاليەۆ تاعايىندالدى. عالي يسقاليەۆ 1970 جىلى تۋعان. باتىس قازاقستان اگرارلىق ۋنيۆەرسيتەتىن  «اگرووندىرىستىك كەشەن ەكونوميكاسى», حالىقارالىق بيزنەس اكادەمياسىن (استانا ق.) «كورپوراتيۆتى مەنەدجمەنت» ماماندىقتارى بويىنشا بىتىرگەن. ءار جىلدارى كاسىپكەرلىكتى دامىتۋ جانە قولداۋ دەپارتامەنتىنىڭ ديرەكتورى,  باتىس قازاقستان وبلىسىندا «گراديەنت» اكتسيونەرلىك قوعامى ايماقتىق ينۆەستيتسيالىق قورىنىڭ باسقارما توراعاسى قىزمەتىن اتقاردى. كەيىن باسقارما توراعاسىنىڭ, باسقارۋشى ديرەكتوردىڭ, ۆيتسە-پرەزيدەنتتىڭ, «قازاقستان دامۋ بانكى» اكتسيونەرلىك قوعامى باسقارما توراعاسىنىڭ كەڭەسشىسى بولدى. ال 2012 جىلدىڭ ناۋرىزىنان وسى تاعايىنداۋعا دەيىن جامبىل وبلىسى اكىمىنىڭ ورىنباسارى قىزمەتىن اتقارىپ كەلدى. جولدىباي بازار. دەرەككوز: «قازاقپارات». فوتو: Vyborg-press.ru.