Toyota Estima جۇرگىزۋشىسى وق اتقان ءسات ۆيدەوعا ءتۇسىپ قالعان. ۆيدەو ءدال وسى ساتتەن باستالادى, سودان كەيىن كادرلاردا Toyota Camry كولىگىنىڭ زارداپ شەككەن جۇرگىزۋشىسى كورسەتىلگەن. وسىدان كەيىن جابىرلەنۋشى قانعا بويالعان بەتىن ۇستاپ, كولىگىنە قاراي جۇگىرگەن. ال قارۋ قولدانعان ەر ادام وقيعا ورنىنان كەتىپ قالعان.
«دەرەك بويىنشا قىلمىستىق كودەكستىڭ 293-بابى 2-بولىگىندە كوزدەلگەن قىلمىس بابى بويىنشا سوتالدى تەرگەپ-تەكسەرۋ امالدارى جۇرگىزىلىپ جاتىر. الدىن الا مالىمەت بويىنشا, ناۋرىزباي اۋدانىنداعى بازارلاردىڭ ءبىرىنىڭ اۋماعىندا ەكى كولىك جۇرگىزۋشىلەرى اراسىندا جانجال تۋىنداپ, ناتيجەسىندە ولاردىڭ ءبىرى قارسىلاسىنا وق اتقان. كۇدىكتى قاماۋعا الىندى. يج ماركالى گاز تاپانشاسى تاركىلەندى. وقيعانىڭ ءمان-جايى انىقتالىپ جاتىر», دەدى قالا اكىمدىگىنىڭ وكىلدەرى.
دارىگەرلەردىڭ ايتۋىنشا, جابىرلەنۋشى مەديتسينالىق كومەككە جۇگىنبەگەن.
«103 پۋلتىنە ونداي قوڭىراۋ تۇسكەن جوق», دەدى الماتى قالالىق قوعامدىق دەنساۋلىق ساقتاۋ باسقارماسىنىڭ رەسمي وكىلى ءنابيرا ەسەنوۆا.
