جيىن بارىسىندا ءپان مۇعالىمدەرى كوپشىلىككە «وقۋعا قۇشتار مەكتەپ» جوباسى بويىنشا جاساعان ادىستەمەلەرىن تانىستىرىپ, ءوز تاجىريبەلەرىمەن ءبولىستى. ال شەبەرلىگى تولىسقان بىلىكتى ۇستازدار جاس ماماندارعا ارناپ پانورامالىق ساباق كورسەتتى.
سەمينار ۇلىستىڭ ۇلى كۇنىنە ارنالعان مەرەكەلىك شاراعا ۇلاسىپ, مەكتەپ اۋلاسىندا بوي كوتەرگەن ەتنواۋىلدا ۇلتتىق ويىندار, تەاترلاندىرىلعان كورىنىستەر قويىلدى. مۇنداعى اق شاڭقان كيىز ءۇيدىڭ جانىندا ونەرپاز وقۋشىلار مەن ۇستازدار ءان-كۇيدەن شاشۋ شاشىپ, مەرەكە قوناقتارى ۇلتتىق تاعامداردان اۋىز ءتيدى. جاڭا كۇننىڭ جارشىسى – قىدىر اتا كوپشلىكتى قۇتتىقتاپ, اق باتاسىن بەردى.
– مەرەكەلىك شارا بارىسىندا سەمينارعا قاتىسقان ۇستازدار مەن جاس ماماندارعا العىس حاتتار مەن سەرتيفيكاتتار تابىس ەتىلدى. وقۋشىلار اراسىنداعى ءبىلىم سايىستارى دا مازمۇندى ءوتتى. شاكىرتتەر وزدەرى تاڭداعان اقىن-جازۋشىنىڭ شىعارماشىلىعى جونىندە اڭگىمە ايتۋدان جارىستى. سونداي-اق ىبىراي, اباي, احمەت اتالارىمىزدىڭ ولەڭدەرىن مانەرلەپ وقۋ بويىنشا سايىسقا ءتۇستى. قازاقتىڭ سالت-ءداستۇرى مەن ادەت-عۇرىپتارى دا كورىنىس تاۋىپ جاتتى. مىسالى, ماعان وقۋشىلار ساحنالاعان قازاقتىڭ بالاعا ات قويۋ ءراسىمى ۇنادى, – دەيدى قالالىق ءبىلىم ءبولىمىنىڭ مامانى جانار جۇماعۇلوۆا.
قوستاناي وبلىسى
