وقيعا 24 ناۋرىزدا قارماقشى اۋدانىندا بولدى. كولگە بالىق اۋلاۋعا بارعان 1962 جىلى تۋعان ازاماتتىڭ قايىعى اۋدارىلىپ, سۋعا باتىپ كەتكەن.
«اتالعان وقيعا جونىندە قىزىلوردا وبلىسى توتەنشە جاعدايلار دەپارتامەنتى داعدارىس جاعدايىندا باسقارۋ باسقارماسىنا حابارلاما ءتۇستى. وندا قۋاڭداريا اۋىلىنداعى جەتىكول كولىندە بالىق اۋلاۋ كەزىندە اعاش قايىعى اۋدارىلىپ, وقيعا سالدارىنان 1962 جىلى تۋعان ازاماتتىڭ سۋعا باتىپ كەتكەنى ايتىلعان. مارقۇمنىڭ دەنەسىن جەرگىلىكتى تۇرعىندار ءوز كۇشىمەن سۋدان شىعارىپ العان. وقيعا ورنىندا توتەنشە جاعدايلار دەپارتامەنتى, اۋداندىق پوليتسيا ءبولىمىنىڭ ماماندارى ءتيىستى جۇمىستار اتقاردى», دەدى وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ جەتەكشىسى ايگۇل نۇرمانوۆا.
