تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين بۇگىنگى تاڭدا مەملەكەتتىك ورگانداردىڭ بيىل ىسكە اسىرۋ جوسپارلانىپ وتىرعان 66 تسيفرلىق باستاماسىنىڭ تىزبەسى پىسىقتالعانىن باياندادى.
ولاردىڭ ىشىندە مۇگەدەكتىكتى بەلگىلەۋ ءۇشىن مەديتسينالىق-الەۋمەتتىك ساراپتامانى تسيفرلاندىرۋ, مەكتەپكە دەيىنگى ۇيىمدارعا قابىلداۋ ءۇشىن بىرىڭعاي تسيفرلىق كەزەكتى ىسكە قوسۋ, اۋىل شارۋاشىلىعى جانۋارلارىن ەسەپكە الۋ بويىنشا Vet Mobile قوسىمشاسىن ەنگىزۋ, اسكەردەن بوساتۋ نەمەسە ونى ۋاقىتشا كەيىنگە قالدىرۋ ءراسىمىن اۆتوماتتاندىرۋ, نوتاريالدىق قىزمەتتەردى ەلەكتروندىق فورماتقا كوشىرۋ قىزمەتتەرى بار.
وسى باستامالاردى ىسكە اسىرۋ ازاماتتار مەن بيزنەستىڭ كۇندەلىكتى ومىردەگى ماسەلەلەرىن شەشۋگە باعىتتالعان, ەندى ولار قاعازباستىلىققا سالىنىپ, تابالدىرىق توزدىرمايدى جانە ۇزاق ۋاقىت كەزەك كۇتپەيتىن بولادى.
سونىمەن قاتار تۇرعىن ءۇي الۋعا تسيفرلىق كەزەك ەنگىزۋ, ونلاين رەجيمدە ەڭبەك شارتتارىن جاساسۋ جانە ءموبيلدى قوسىمشادا جەكە تۇلعالار ءۇشىن كەدەندىك دەكلاراتسيالاۋدان ءوتۋ مۇمكىندىگى, ازاماتتاردى مەديتسينالىق پروفيلاكتيكالىق قىزمەتتەردى الۋ قاجەتتىگى نەمەسە ءوز وڭىرىندە جۇمىسقا ورنالاسۋ مۇمكىندىگى تۋرالى حاباردار ەتۋ (push-حابارلاما), جانار-جاعارماي قۇيۋ ستانتسياسىندا مۇناي ونىمدەرىنىڭ بار-جوعىن تەكسەرۋ بويىنشا سەرۆيستى جانە ت.ب. ىسكە قوسۋ جوسپارلانۋدا.
سونىمەن قاتار دەرەكتەرمەن جۇمىس ىستەۋ ماسەلەسى تالقىلاندى, ول – بيۋروكراتيادان ارىلتۋدىڭ نەگىزگى ەلەمەنتى, وسى ورايدا ازاماتتاردان ءتۇرلى مالىمەتتەر سۇراتىلماۋى كەرەك.
پرەمەر-مينيستر ۇسىنىلعان باستامالاردى ماقۇلدادى, سونداي-اق تسيفرلاندىرۋدى ىلگەرىلەتۋ جانە قىزمەت كورسەتۋدىڭ پرواكتيۆتى فورماتىن كەڭەيتۋ حالىقتىڭ ءومىر ءسۇرۋ ساپاسىنا وڭ اسەرىن تيگىزەتىنىن اتاپ ءوتتى.
سونداي-اق وتىرىستا جەر قاتىناستارىن تسيفرلاندىرۋ بارىسى قارالدى. وسى جۇمىس اياسىندا جىلجىمايتىن م ۇلىكتىڭ بىرىڭعاي مەملەكەتتىك كاداسترىن كەزەڭ-كەزەڭمەن ىسكە قوسۋ جوسپارلانىپ وتىر, ونىڭ نەگىزىندە جەر رەسۋرستارىنىڭ جاريا كاداسترلىق كارتاسى جانە ەلەكتروندىق ساۋدا الاڭى ىسكە اسىرىلاتىن بولادى.
ءاليحان سمايىلوۆ اشم-گە اۋىل شارۋاشىلىعى جەرلەرىن تسيفرلاندىرۋ پروتسەسىن ۇيىمداستىرۋ تاسىلدەرىن قايتا قاراۋدى تاپسىردى.
ودان بولەك, وتىرىس بارىسىندا رەسپۋبليكا وڭىرلەرىن كەڭ جولاقتى ينتەرنەتپەن قامتاماسىز ەتۋ جونىندەگى شارالار جانە 5G جەلىسىن تاراتۋدىڭ تەحنيكالىق ماسەلەلەرى تالقىلاندى, سونداي-اق ساپالى قۇرىلىمدالعان دەرەكتەر نەگىزىندە مەملەكەتتىك باسقارۋدى تسيفرلىق ترانسفورماتسيالاۋ تاسىلدەرى قارالدى.
