استانا قالاسى بويىنشا ءماسليحات دەپۋتاتتارى سايلاۋىنىڭ قورىتىندىسى جاريالاندى

استانا قالالىق اۋماقتىق سايلاۋ كوميسسياسىنىڭ توراعاسى باحىت بەكتەمىسوۆا ۇسىنعان اقپاراتقا قاراعاندا, ەلوردادا 788 931 سايلاۋشى تىركەلگەن. الايدا, تەك 332 694 ادام داۋىس بەرۋگە كەلگەن.

كوميسسيا قورىتىندىسىنا سايكەس, ءماسليحات سايلاۋىنا قاتىسقان پارتيالار سايلاۋشىلار داۋسىن كەلەسىدەي بولىسكەن:

1. Amanat پارتياسى – 68,78% نەمەسە 227 307 ادام داۋىس بەردى;

2. «اۋىل» حالىقتىق-دەموكراتيالىق پارتياسى – 0,65% نەمەسە 2 197 ادام داۋىس بەردى;

3. Respublica پارتياسى – 1,63% نەمەسە 5401 ادام داۋىس بەردى;

4. قازاقستان حالىق پارتياسى – 5,12% نەمەسە 18 174 ادام داۋىس بەردى;

5. «بايتاق» جاسىلدار پارتياسى – 5,49% نەمەسە 18 154 ادام داۋىس بەردى;

6. «اق جول» قازاقستان دەموكراتيالىق پارتياسى – 19,96% نەمەسە 56 045 ادام داۋىس بەردى;

ال 3 269 ادام «بارىنە قارسىمىن» باعانىن تاڭداعان.

«5 جانە ودان دا كوپ پايىزىن العان ساياسي پارتيالار ءۇشىن مانداتتار بىلاي ءبولىندى: Amanat پارتياسى – 12 ماندات, قازاقستان حالىق پارتياسى – 1 ماندات, «بايتاق» جاسىلدار پارتياسى – 1 ماندات, «اق جول» قازاقستان دەموكراتيالىق پارتياسى – 3 ماندات», دەپ قورىتىندىلادى باحىت بەكتەمىسوۆا.