مۇنداي شەشىمدى شىعىس قازاقستان وبلىسىنىڭ اكىمى دانيال احمەتوۆ قابىلداعانى حابارلاندى. ايماق باسشىسىنىڭ ايتۋىنشا, ريددەردەگى جىلۋ ەلەكتر ورتالىعىنىڭ جۇمىسىندا ۇلكەن كەمشىلىكتەر بار.
«جاڭا RNGK كومپانياسىنىڭ يەسى قاڭتاردان باستاپ ەشقانداي جۇمىس جۇرگىزبەدى. وتكەن كەزەڭدە ءۇش ميلليارد تەڭگەدەن استام بەرەشەك قالىپتاستى, مازۋت, كومىر, ەلەكتر ەنەرگياسىن جەتكىزۋدە ولقىلىقتار بولدى. سونىمەن قاتار قاراشا ايىنان باستاپ شۇعىل جوندەۋ جانە قالپىنا كەلتىرۋ جۇمىستارىن جۇرگىزگەن كومپانيالارعا ەڭبەكاقى تولەۋدە ءالى كەشىكتىرۋلەر بار. بارلىعى جۇمىس پروتسەسىندە 67 ىستەن شىعۋ دەرەكتەرى تىركەلدى», دەدى شقو اكىمى.
