اتاپ ايتقاندا, ءىرى حالىقارالىق ينۆەستورلاردى تارتۋ, جاڭا ەنەرگيا ءوندىرۋشى قۋاتتاردى (جىلۋ, ەلەكتر ەنەرگياسى) ىسكە قوسۋ, جاڭارتىلاتىن ەنەرگيا كوزدەرىن دامىتۋ جانە ينجەنەرلىك ينفراقۇرىلىمدى جاڭعىرتۋ جونىندەگى جوسپارلار تالقىلاندى.
سونىمەن قاتار كەڭەسكە قاتىسۋشىلار ىشكى نارىقتى جانار-جاعارماي ماتەريالدارىمەن قامتاماسىز ەتۋ شارالارىن قاراستىردى. ەنەرگەتيكا ءمينيسترى بولات اقشولاقوۆ I توقساندا بەنزين, ديزەل وتىنى جانە سۇيىتىلعان گاز ءوندىرىسى بەكىتىلگەن جوسپاردان اسىپ تۇسكەنىن اتاپ ءوتتى. اتاپ ايتقاندا, ديزەل وتىنىنىڭ قورى 1 قاڭتاردان 1 ناۋرىزعا دەيىن 241 مىڭ توننادان 326 مىڭ تونناعا دەيىن ۇلعايتىلدى.
قازىر جانار-جاعارماي ماتەريالدارى ءبىرىنشى كەزەكتە ەگىس جۇمىستارىن جۇرگىزۋ ءۇشىن اۋىل شارۋاشىلىعى تاۋارىن وندىرۋشىلەرگە, سودان كەيىن جانارماي قۇيۋ ستانتسيالارى مەن الەۋمەتتىك ماڭىزى بار كاسىپورىندارعا جىبەرىلەدى.
ءمينيستردىڭ ايتۋىنشا, كەيبىر وڭىردە تۇتىنۋ دەڭگەيىنىڭ وتە جوعارى بولۋىنا بايلانىستى وتىن جەتىسپەي جاتادى. وسىعان بايلانىستى ەنەرگەتيكا مينيسترلىگى قاجەت قوردى تولىقتىرۋ بويىنشا شارالار قابىلداپ جاتىر.
بۇدان باسقا ورتا مەرزىمدى جانە ۇزاق مەرزىمدى پەرسپەكتيۆادا وتىن ءوندىرۋ مەن تۇتىنۋ بالانسىن ەسكەرە وتىرىپ, گاز سالاسىن دامىتۋدىڭ وزەكتى ماسەلەلەرى قوزعالدى.
