قازاقستاندىق تەننيسشى العاشقى اينالىمدا الەمنىڭ 50-راكەتكاسى, امەريكالىق دجەففري-دجون ۆۋلفپەن شەبەرلىك بايقاستى.
امەريكالىق تەننيسشى 1 ساعات 19 مينۋتقا سوزىلعان ماتچتا 7:5, 6:3 ەسەبىمەن جەڭىسكە جەتتى. ول 4 ەيس جاساپ, 6 برەيك-پوينتتىڭ تورتەۋىن ءوز ەسەبىنە جازدى. بۋبليك 9 ەيس, 2 برەيكپەن (4 برەيك-پوينت) كوزگە ءتۇستى.
ۆۋلف ەكىنشى اينالىمدا الەمنىڭ 7-راكەتكاسى, رەسەيلىك اندرەي رۋبلەۆپەن كەزدەسەدى.
جۇلدە قورى 8,8 ملن اقش دوللارىنا باعالانعان دودا 2 ساۋىردە اياقتالادى. وتكەن جىلى مۇندا الەمنىڭ 1-راكەتكاسى, يسپانيالىق كارلوس الكاراس ۇزدىك شىققان ەدى.
ا.بۋبليك جۇپتىق سىندا جارىس جولىن جالعاستىرادى. ول سەربيالىق ميومير كەتسمانوۆيچپەن بىرگە ارگەنتينالىقتار پەدرو كاچين – فرانسيسكو چەرۋندولومەن كورتقا شىعادى.
تاعى ءبىر قازاقستاندىق ميحايل كۋكۋشكين شۆەيتساريانىڭ بيل قالاسىندا ءوتىپ جاتقان چەلەندجەر جارىسىنىڭ ەكىنشى اينالىمىندا تارتىستى ماتچتا سلوۆاكيالىق نوربەرت گومبوشقا جول بەردى – 6:7 (2:7), 6:4, 2:6.
