سينحۋا اگەنتتىگىنىڭ مالىمەتىنشە, وقيعا تاميلناد ولكەسىنە قاراستى كانچيپۋرام ايماعىنىڭ كۋرۋۆيمالاي اۋدانىندا ورىن العان. فابريكادا فەيەرۆەرك دايىنداۋ ءۇشىن قولدانىلاتىن شيكىزات كەنەتتەن تۇتانىپ, جارىلىس بولعان.
«بۇگىن كۋرۋۆيمالاي اۋدانىنداعى پيروتەحنيكا فابريكاسىندا جارىلىس بولدى. وقيعا سالدارىنان سول جەردە 5 ادام كوز جۇمدى. تاعى ءۇش ادام العان جاراقاتىنان اۋرۋحانادا قايتىس بولدى», دەدى كانچيپۋرام ايماعى باسشىسىنىڭ وكىلى.
شەنەۋنىكتەردىڭ اتاپ وتۋىنشە, زارداپ شەككەن 13 ادام كانچيپۋرامداعى مەملەكەتتىك اۋرۋحاناعا جاتقىزىلعان. تاعى ءۇش ادام چەنناي اۋرۋحاناسىنا جەتكىزىلگەن.
پوليتسيا قىزمەتكەرلەرىنىڭ دەرەگىنشە, فابريكانىڭ قيراعان عيماراتىندا قۇتقارۋ وپەراتسياسى جۇرگىزىلۋدە. جارىلىس بولعاندا كەزدە كاسىپورىندا 25-تەن استام ادام جۇمىس ىستەپ جاتقان.
