«قۇرمەتتى دوستار! بارشاڭىزدى ناۋرىز مەيرامىمەن شىن جۇرەكتەن قۇتتىقتايمىن!
ءاز ناۋرىز – قۋانىش پەن شاتتىقتىڭ, جاڭارۋ مەن جاڭعىرۋدىڭ مەرەكەسى. تەرەڭنەن تامىر تارتاتىن بۇل مەيرامدى جاقسىلىق پەن جاسامپازدىققا ۇمتىلۋدىڭ نىشانى دەپ قابىلدايمىز. ۇلىستىڭ ۇلى كۇنىندە ۇلتتىق قۇندىلىقتارىمىز تورگە شىعىپ, سالتىمىز بەن ءداستۇرىمىز دارىپتەلەدى.
شىن مانىندە, حالقىمىز ناۋرىز ايىن جىلدىڭ باسى دەپ قاشاندا ەرەكشە كوڭىل-كۇيمەن قارسى العان. وسى كۇندەرى اعايىن-تۋىستىڭ باسى قوسىلىپ, بۇلاقتىڭ كوزىن اشۋ, اعاش وتىرعىزۋ سياقتى ىزگى امالدار جاسالعان. مۇنىڭ ءبارى – ەلدىڭ ىرىسىن ارتتىرىپ, ىنتىماعىن نىعايتاتىن, ۇرپاقتى تاتۋلىق پەن تازالىققا ۇندەيتىن يگى ىستەر.
وسىنداي تاعىلىمى زور, ونەگەسى مول مەرەكەدە ءار شاڭىراققا اماندىق پەن باق-بەرەكە تىلەيمىن! ءاز ناۋرىزداعى اقجارما تىلەكتەر قابىل بولسىن! جىل جاقسىلىعىمەن كەلسىن!
ۇلىس وڭ, اق مول بولسىن, اعايىن!», دەپ جازىلعان قۇتتىقتاۋدا.
