ماسەلەن, «توبىل» فۋتبول كلۋبى ناۋرىز باستالعالى قوستاناي, توبىل, رۋدنىي, ليساكوۆ قالالارى مەن قوستاناي اۋدانىندا تۇرىپ جاتقان كوپبالالى وتباسىلار مەن مۇقتاج جاندارعا الەۋمەتتىك ازىق-ت ۇلىك قورجىندارىن تاراتىپ, قارجىلاي دەمەۋ جاساپ جاتىر.
– بۇگىنگە دەيىن 20 شاقتى وتباسىنا باردىق. ولاردىڭ ىشىندە 4 وتباسى بەلگىلى ءبىر سەبەپتەرمەن مەملەكەتتىڭ اتاۋلى الەۋمەتتىك كومەگىن الا الماي وتىر. ءبىز الدىن الا حابارلاسىپ, نە قاجەت ەكەنىن ءبىلىپ العاننان كەيىن بارامىز. 70-80 مىڭ تەڭگەگە ازىق-ت ۇلىك قورجىنىن, تۇرمىسقا قاجەت زاتتاردى اپارىپ بەرىپ جاتىرمىز. مۇنىڭ سىرتىندا, ءار وتباسىنا 30-40 مىڭ تەڭگەدەن قارجىلاي كومەك كورسەتتىك. بۇل يگى ىسكە كلۋب قىزمەتكەرلەرى, باپكەرلەر, فۋتبولشىلار اتسالىسىپ جاتىر. ناۋرىز ايىن بەكەرگە تاڭداپ العان جوقپىز. حالقىمىز ناۋرىز – جاڭارۋدىڭ, جاقسىلىقتىڭ باسى دەپ ىرىمدايدى. ءاۋ باستا بۇل تۋرالى فۋتبول كلۋبىمىزدىڭ سپورت ديرەكتورى نۇربول جۇماسقاليەۆ وي تاستادى. ول كىسى مۇقتاج جانداردى ءوزى ىزدەپ تاۋىپ, ۇنەمى كومەك بەرىپ جۇرەتىن. قانداي وتباسىلارعا بارۋ كەرەك ەكەنىن الەۋمەتتىك قورعاۋ مەكەمەلەرى ارقىلى الدىن-الا ءبىلىپ الدىق. بۇل اسىپ-تاسىپ بارا جاتقان سوڭ قولعا الىنعان شارا ەمەس, نۇر شاشقان ناۋرىز مەرەكەسىنىڭ وزىق داستۇرلەرىن جاڭعىرتۋ ارقىلى جالپى جۇرتتى جاقسىلىققا, ىزگىلىككە ۇندەۋدى كوزدەدىك. بۇل ەندى ءبىزدىڭ جىل سايىن ءوتىپ وتىراتىن ءداستۇرلى شارامىز بولادى, – دەيدى «توبىل» فك-نىڭ قىزمەتكەرى قاسقىرباي قويشىمانوۆ.
فۋتبولشىلار وزدەرى ارالاپ شىققان ۇيلەردىڭ ىشىنەن 5 وتباسىن تاڭداپ الىپ, تۇراقتى تۇردە قامقورلىققا العان. ماسەلەن, رۋدنىيعا وزبەكستاننان كوشىپ كەلگەن تۇرساعۇلوۆتار وتباسى 7 بالا تاربيەلەپ وتىر. جەتى بالانىڭ ەكەۋى دتسپ-مەن اۋىرادى.
– سول ەكى بالانىڭ ەمىنە كومەكتەسەمىز. مۇنىڭ سىرتىندا, جاقىن ارادا پاتەر الىپ بەرۋگە جاردەم بەرەمىز دەگەن شەشىم قابىلدادىق. قوستاناي اۋدانىندا تۇراتىن ءبىر وتباسىنا باردىق. ءۇش بالاسى بار. ەكى بالاسى – كەمتار. جاس انا سوعان قاراماستان, «بيزنەس باستاۋ» مەملەكەتتىك باعدارلاماسى ارقىلى نەسيە الىپ, ۇيىندە توقاش, تورت, ءبالىش ءتارىزدى جىلى-جۇمساق تاتتىلەر ءپىسىرىپ, ونىسىن الەۋمەتتىك جەلى ارقىلى جارنامالاپ, تۇراقتى تۇتىنۋشىلارىنا ساتىپ, تابىس تاۋىپ وتىر. ول كىسىگە وتە ريزا بولدىق. «ق ۇلىنشاقتارىم كۇلگەن سايىن كۇش-قۋات الام, كوڭىل-كۇيىم كوتەرىلىپ, شارشاعانىمدى ۇمىتىپ كەتەم» دەيدى. وسى ناۋرىز ايىنىڭ سوڭىنا دەيىن 100 ۇيگە كومەكتەسەمىز دەپ جوسپارلاپ قويدىق. ءتىپتى, شالعاي اۋىلدارعا دەيىن بارىپ, تۇرمىسى تومەن وتباسىلارعا كومەك كورسەتىپ, ءبىر اۋىق بولسا دا, كوڭىلدەرىن اۋلاپ قۋانتىپ كەتۋدى ويلاستىرىپ وتىرمىز, – دەيدى قاسقىرباي قويشىمانوۆ.
سپورتشىلار الداعى ۋاقىتتا «اۋلا سپورتىنان – اۋىل سپورتىنا» دەپ اتالاتىن تاعى ءبىر الەۋمەتتىك جوبانى قولعا الماق. مۇنداعى ماقسات – اۋىل-اۋىلدى ارالاپ, سپورتقا تالابى بار بالعىندارعا وڭىرگە بەلگىلى فۋتبولشىلاردىڭ قولتاڭباسىمەن دوپ, تەننيس ۇستەلى, سپورت كيىمدەرى سياقتى تارتۋ-تارالعىلار سىيلاۋ. بۇل اۋىل بالالارى ءۇشىن ەستەن كەتپەس ونەگەسى مول ۇلكەن وقيعا بولاتىنى انىق. ۇلكەن سپورتشىلارمەن اڭگىمەلەسىپ, ولاردىڭ قولىنان سىيلىق الۋ, اتاقتى فۋتبولشىمەن بىرگە سۋرەتكە ءتۇسۋ دەگەن قاي بالاعا دا ۇلكەن قۋانىش.
جاقسىلىقتىڭ ۇلكەن-كىشىسى جوق. جەردىڭ توڭىن جىبىتە الماعانىمەن, ەلدىڭ ءوڭىن جىلىتىپ, توبىل وڭىرىندەگى كەڭپەيىل كوپتىڭ كوڭىلىنە كوكتەم قوناقتاتقان ناۋرىز مەرەكەسى قارساڭىندا اركىم قولىنان كەلگەنشە ىزگىلىك جاساۋعا ۇمتىلاتىنىن كوردىك. ماسەلەن, جالعىز كولىگىمەن ناپاقا تاۋىپ جۇرگەن قاراپايىم تاكسي جۇرگىزۋشى ورالباي جۇماشەۆ ناۋرىز ايى باستالعالى كۇنىنە ەكى جولاۋشىنى باراتىن جەرىنە تەگىن اپارىپ ءجۇر.
– نەگىزى جوعارعى ءبىلىمىم بار. لايىقتى جۇمىس بولماعان سوڭ, وسىدان ون شاقتى جىل بۇرىن تاكسيگە شىقتىم. قازىر ابدەن ۇيرەنىپ الدىم. ناۋرىز ادامدى جاقسىلىققا جەتەلەيتىن قاسيەتتى اي عوي. سوندىقتان تاڭەرتەڭ ءبىرىنشى جولاۋشىنى, كەشكىلىك ەڭ سوڭعى جولاۋشىنى تەگىن اپارىپ ءجۇرمىن. اقشادان گورى اقجارما كوڭىلدەن شىققان شىنايى العىس قىمبات. جولاۋشىنى قويىپ, وزىمە-ءوزىم ريزا بولىپ, ۇيگە كوتەرىڭكى كوڭىل-كۇيمەن قايتىپ ءجۇرمىن. تەگىن اپارعاننان تابىسىم كەمىپ جاتقان جوق, – دەيدى تاكسي جۇرگىزۋشى.
قوستاناي وبلىسىنداعى ەتنومادەني بىرلەستىكتەر دە «ناۋرىز – دوستىق پەن ىزگىلىكتىڭ مەرەكەسى» اتتى قايىرىمدىلىق اكتسياسىن وتكىزىپ جاتىر. ىزگى شارالار بارىسىندا تاجىك, وزبەك, قىرعىز اعايىندار وبلىس ورتالىعىنداعى «جانۇيا» بالالار ۇيىنە بارىپ, تۇسكى اسقا پالاۋ باسىپ, بالالارعا مەرەكەلىك تارتۋ-تارالعىلارىن ۇلەستىردى. ال «ەرەبۋني» اتتى ارميان ۇلتتىق بىرلەستىگىنىڭ وكىلدەرى كامەلەتكە تولماعان جاسوسپىرىمدەرگە ارنالعان بەيىمدەۋ ورتالىعىندا جاتقان بالالارعا ءتاتتى تاعامدار مەن كيىم-كەشەك اپارىپ بەردى. ناۋرىز قارساڭىنداعى قايىرىمدىلىق شارالارىنان وزگە ۇلتتىق بىرلەستىكتەر دە قالىس قالىپ جاتقان جوق. ماسەلەن, «اسار» دەپ اتالاتىن بەلارۋس ەتنومادەني بىرلەستىگى قان ورتالىعىنا بارىپ, «مەن – دونورمىن» اكتسياسىن ۇيىمداستىردى.
ناۋرىز مەرەكەسى قارساڭىندا «Beef Export Group» ەت وڭدەۋ كومبيناتىنىڭ وكىلدەرى دە بىرنەشە بالالار ۇيىنە بارىپ, مەرەكەلىك ناۋرىز-قورجىندارىن ۇلەستىردى. اتالعان كومبينات – ەت ونىمدەرىن قالدىقسىز وڭدەۋمەن اينالىساتىن ەلىمىزدەگى ەڭ ءىرى كاسىپورىننىڭ ءبىرى. «Beef Export Group» ءونىمىنىڭ 97%-ى ىشكى نارىقتا سۋدالانسا, 3% پايىزى سىرتقا ەكسپورتتالادى.
– ناۋرىز مەرەكەسى قارساڭىندا وبلىستىق كاسىپكەرلەر پالاتاسى ءبىرتالاي يگى شارالاردى ۇيىمداستىرىپ, جاقسى ىستەرگە مۇرىندىق بولىپ وتىر. اتاپ ايتار بولساق, 14 ناۋرىز – كورىسۋ كۇنىنەن بەرى وڭىردەگى ون شاقتى كاسىپورىنمەن بىرلەسىپ, «ناۋرىز قورجىن» قايىرىمدىلىق اكتسياسىن وتكىزىپ جاتىرمىز. بۇگىن «Beef Export Group» كومبيناتىنىڭ وكىلدەرى بىرنەشە بالالار ۇيىنە ارنايى بارىپ, مەرەكەلىك داستارقان جايىپ, بالالارعا كومپيۋتەر, تەلەديدار, ۆەلوسيپەد, تاعى باسقا دا باعالى سىيلىقتار تارتۋ ەتتى, – دەيدى قوستاناي وبلىستىق كاسىپكەرلەر پالاتاسىنىڭ وكىلى ەلەنا كاشارينا.
قوستاناي وبلىسى
