«الەۋمەتتىك جەلىلەردە تارالىپ جاتقان سايلاۋ ۋچاسكەلەرىنىڭ قورىتىندى حاتتامالارى بويىنشا بەينەروليكتەردىڭ شىندىققا جاناسپايتىنىن حابارلايمىن. بەينەروليكتە كورسەتىلگەن قۇجاتتار مىجىلعان, ولاردا ەشقانداي قولتاڭبا مەن ءمور قويىلماعان. روليكتە كورسەتىلگەن مالەمەتتەردى تازا ارانداتۋشىلىق دەپ ەسەپتەيمىن. حاتتامالار تەك سايلاۋ قورىتىندىسىنا سايكەس تولتىرىلادى جانە ناتيجەسى جاريالانادى. وسى ءىس ءتيىستى ورگاندار تاراپىنان تەكسەرىلىپ, قۇقىقتىق باعاسى بەرىلەدى», دەدى ول.
وسى ورايدا شىمكەنت قالالىق اۋماقتىق سايلاۋ كوميسسياسى توراعاسىنىڭ ورىنباسارى الماسبەك مامىتبەكوۆ سايلاۋ كەزىندە قانداي دا ءبىر ورەسكەل زاڭ بۇزۋشىلىقتى بايقاعان ازاماتتار پروكۋراتۋراعا, پوليتسياعا جانە سايلاۋ كوميسسياسىنا شاعىم تۇسىرۋگە قۇقىعى بار ەكەنىن جەتكىزدى.
پارلامەنت ءماجىلىسى جانە ءماسليحاتتار دەپۋتاتتارىنىڭ سايلاۋىندا شىمكەنت قالاسىنان 330 سايلاۋ ۋچاسكەسى اشىلىپ, وندا 639 663 سايلاۋشى تىركەلگەن. سونىمەن بىرگە ساياسي دودانىڭ ءوتۋ بارىسىن باقىلاۋعا تمد-دان 8, ەقىۇ-دان 24 بايقاۋشى كەلدى.
شىمكەنت
